'ट्विट वाचलं तेव्हा मी रागात होतो, पण...', सिद्धार्थने मागितली सायनाची माफी Siddharth Apologies For Tweet | Sakal
sakal

बोलून बातमी शोधा

Saina Nehwal Siddharth Controversy

माझ्यासाठी तू नेहमीच चॅम्पियन, पत्र पाठवत सिद्धार्थने मागितली सायनाची माफी

'ट्विट वाचलं तेव्हा मी रागात होतो, पण...', सिद्धार्थचा माफीनामा

दिल्ली - पंतप्रधान नरेंद्र मोदींच्या (PM Narendra Modi) सुरक्षेवरून भारताची बॅडमिंटन स्टार सायना नेहवाल (Saina Nehwal) हिने चिंता व्यक्त केली होती. यावर अभिनेता सिध्दार्थने आक्षेपार्ह ट्विट केलं होतं. आता या प्रकरणी सिध्दार्थने (Actor Siddharth) सायना नेहवालची ट्विटरवरून माफी मागितली आहे. सिध्दार्थच्या ट्विटतनंतर केंद्रीय मंत्री स्मृती इराणी (Smriti Irani) यांच्यासह क्रीडा मंत्री किरण रिजिजू यांनीही तिखट शब्दात समाचार घेतला होता. सायनाचे वडील हरवीर सिंह नेहवाल यांनी सिध्दार्थने माफी मागायला हवी असं म्हंटल होतं.

सायनाने ट्विटरवर लिहिलं होतं की, देशाचे पंतप्रधान सुरक्षित नसतील तर कोणताच देश आपण सुरक्षित असल्याचा दावा करू शकत नाही. मोदींच्या सुरक्षेबाबतीत झालेल्या या घटनेचा निषेध करते असे सायना म्हणाली होती.

हेही वाचा: PM मोदीचं सुरक्षित नसतील तर, देशाच काय? : सायना नेहवाल

अभिनेता सिध्दार्थने सायनाच्या ट्विटला रिप्लाय देताना म्हंटल तीच्याबाबत आक्षेपार्ह उल्लेख केला होता. उपरोधिक ट्विट करण्याच्या प्रयत्नात सिध्दार्थने केलेल्या चुकीबद्दल त्याला माफी मागावी लागली.

सिध्दार्थने आपण rude joke केला त्याबाबद माफी मागत आहे असं म्हणत ट्विटरवर माफीनामा शेअर केला. माझे काही बाबतीत तुझ्याशी मतभेद असतील, तसंच तुझे ट्विट वाचताना नाराजी आणि माझ्या मनात राग जरी असला तरी त्यामुळे मी वापरलेल्या शब्दाचे समर्थन करू शकत नाही.

मी केलेल्या उपरोधिक विनोदाबद्दल बोलायचं तर तो काही फार चांगली सुरवात असलेला जोक नव्हता. तो ज्या पद्धतीने पोहोचायला हवा होता तसा पोहोचला नाही असेही सिध्दार्थने म्हंटले. कुणालाही दुखावण्याचा माझा हेतू नव्हता. तसंच महिला म्हणून तुझ्यावर टीका करायचं म्हणून ते ट्विट नव्हतं. तू नेहमीच माझ्यासाठी चॅम्पियन असशील असे म्हणत सिध्दार्थने माफी मागितली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Saina NehwalSiddharth
loading image
go to top