Samantha: 'त्याला प्रेमाची कदर नाही म्हणून', नागा चैतन्य अन् शोभिताच्या नात्यावर सामंथा जरा स्पष्टच म्हणाली

साउथ इडस्ट्रीतील पावर कपल म्हणून नागा चैतन्य आणि सामंथा रुथ प्रभू ओळखले जात होते. नागा चैतन्य आणि सामंथा रुथ प्रभू हे दक्षिण चित्रपटातील प्रसिद्ध जोडप्यांपैकी एक होते.

त्याची जोडी चाहत्यांना खुप आवडत होती. मात्र त्याच्या नातं जास्त काळ टिकू शकलं नाही. लग्नाच्या चार वर्षानंतर दोघेही एकमेकांपासून वेगळे झाले. त्याच्या घटस्फोटाने त्याच्या चाहत्यांना मोठा धक्काच बसला.

मात्र आता गेल्या काही दिवसांपासून नागा चैतन्य पुन्हा एकदा त्याच्या प्रेमप्रकरणामुळे चर्चेत आहे. तो शोभिता धुलिपाला डेट करत असल्याच्या चर्चाना सध्या उधाण आले आहे.

नुकताच सोशल मीडियावर एक फोटो व्हायरल झाला, या फोटोमध्ये नागा हॉटेलच्या शेफसोबत फोटो काढताना दिसत आहे आणि शोभिता साडी नेसलेली दिसत आहे. तिने तिचा चेहरा दिसू नये म्हणु चेहऱ्यावर हातही ठेवला होता. रिपोर्ट्समध्ये हे चित्र लंडनचं असल्याचं सांगण्यात येत आहे.

आता या प्रकरणावर नागा चैतन्याची माजी पत्नी आणि अभिनेत्री सामंथा रुथ प्रभूची प्रतिक्रिया समोर आली आहे. त्यामुळे नागा आणि शोभिता एकमेकांना डेट करत आहेत ही चर्चा खरी असल्याचं बोललं जात आहे.

सध्या सामंथा तिच्या शाकूंतल या चित्रपटामुळे चर्चेत आहे. या चित्रपटाच्या प्रमोशनमध्ये ती सध्या व्यस्त आहे. दरम्यान अलीकडेच सियासत डेलीशी संवाद साधताना सामंथाम्हणाली की, कोण कोणासोबत रिलेशनशिपमध्ये आहे याची तिला पर्वा नाही.

ती पुढे म्हणाले, "ज्यांना प्रेमाची किंमत कळत नाही ते लोकांना अश्रू देऊन सोडून देतील, ज्यांना ते डेट करतील." सामंथा म्हणाली, “किमान त्या मुलीने तरी आनंदी असलं पाहिजे. जर त्याने त्याचं वागणं बदललं. जर तो कुणाला दु:ख देत नसेल तर ते सर्वांसाठी चांगले होईल."

नागा चैतन्य आणि सामंथा यांचे लग्न २०१७ मध्ये झाले होते. त्याच वेळी, ऑक्टोबर 2021 मध्ये दोघांनी एकमेकांपासून वेगळे होण्याचा निर्णय घेतला होता.

याबाबत माहिती देताना दोघांनी सोशल मीडियावर एक स्टेटमेंट शेअर केले होते, त्यानंतर ते वेगळे झाले. तर दुसरीकडे शोभिताबद्दल असे बोलले जात आहे की ती आणि नागा जवळपास 6 महिन्यांपासून डेट करत आहेत.