Ashok Saraf: "गर्व म्हणा हवं तर..", अशोक सराफ यांच्याविषयी अभिनेत्याची पोस्ट व्हायरल

अशोक सराफ हे मराठी मनोरंजन विश्वातील चर्चेतील अभिनेते. अशोक सराफ यांनी आजवर मराठी तसेच हिंदी सिनेमांमधून प्रेक्षकांचं मनोरंजन केलंय.

अशोक सराफ यांच्याकडून कौतुकाची थाप मिळणं ही कोणत्याही माणसासाठी आनंदाची गोष्ट. अशातच सध्या सूर नवा ध्यास नवा शोमध्ये स्वतःच्या गायनाने रसिकांच्या गळ्यातला ताईत बनलेला अभिनेता - गायक समीर परांजपेने अशोक सराफ यांच्याविषयी खास पोस्ट लिहीली आहे.

(sameer paranjpe from sur nava dhyas nava viral post related ashok saraf)

समीर परांजपेने सोशल मीडियावर पोस्ट केलीय. यात समीर लिहीतो, "आजचा एपिसोड आजचं गाणं माझ्या आयुष्यातला तो क्षण आहे जो आयुष्यभर कायम अत्तरासारखा मनात दरवळत राहील आणि मला कायम विचारत राहील, गाणं करतोयस ना?
शूटींग सुरू झालं अशोक मामांची आणि निवेदिता ताईंची एन्ट्री झाली आणि मला बघून अशोक मामा म्हणाले अरे तू गातोस? मला वाटलं छान अभिनयच करतोस फक्त..मी पाहिलंय तुझं काम..छान करतोस काम.."

समीर पुढे लिहीतो, "ते मला ओळखतात त्यांनी माझं काम पाहिलंय हा माझ्यासाठी अभिनेता म्हणून अभिमानाचा क्षण होता. हो अभिमानच..गर्व म्हणा हवं तर.. आणि का नसावा? रविवारी दुपारी ४ वाजता दूरदर्शनवर लागणाऱ्या ह्यांच्या फिल्म्स बघत मोठे झालो आणि आज पहिल्यांदा ते भेटतात आणि हे बोलतात अजून काय हवं एखाद्या नवीन अभिनेत्याला.."

समीर शेवटी लिहीतो, "या एपिसोडला गाणंही ते मिळावं जे मला माझ्या गुरुंनी जवळपास २० वर्षांपूर्वी शिकवलं होतं.. प्रोमो बघून नीलूताईंचा अर्थात नीलकांती पाटेकर यांचा आशीर्वादरुपी मेसेज यावा . कृतज्ञता, रितेपण आणि वनवास संपल्याचा आनंद हे सगळं जगलोय मी..
एपिसोड बघा आणि एक आशीर्वाद नक्की द्या. "जीते रहो गाते रहो"."

समीरच्या या पोस्टवर निवेदिता सराफ यांनी, "असाच गात रहा कधीही गाणं सोडू नकोस खूप खूप शुभेच्छा." अशी कमेंट केलीय.