Sandeep Pathak - Arun Nalawde: हि विठ्ठलाची कृपा... २१ वर्षानंतर अरुण नलावडे - संदीप पाठक एकत्र सिनेमात

Sandip Pathak - Arun Nalawde: आपण ज्या सिनेमातून अभिनय प्रवासाला सुरुवात केली आहे. त्याच सिनेमातील कलाकार २१ वर्षांनी जेव्हा आपल्यासोबत काम करतो तेव्हा मनात शब्दात मांडता न येणारी भावना असते. असाच निःशब्द करणारा अनुभव संदीप पाठकच्या आयुष्यात आला. संदीप पाठकने श्वास सिनेमातून त्याच्या अभिनय प्रवासाला सुरुवात केली. या सिनेमात अभिनेते अरुण नलावडे प्रमुख भूमिकेत होते.

संदीप आता अरुण नलावडे यांच्यासोबत विठ्ठल या आगामी मराठी सिनेमात अभिनय करत आहे. सध्या संदीप या सिनेमाचं शूटिंग करत आहे.या सिनेमाच्या सेटवर २१ वर्षांनी संदीप अरुण नलावडे यांच्यासोबत काम करतोय. त्यामुळे संदीप थोडा इमोशनल झाला. त्याने सोशल मीडियावर एक व्हिडिओ शेयर करून कॅप्शन लिहिलंय कि..

संदीप आता अरुण नलावडे यांच्यासोबत विठ्ठल या आगामी मराठी सिनेमात अभिनय करत आहे. सध्या संदीप या सिनेमाचं शूटिंग करत आहे.या सिनेमाच्या सेटवर २१ वर्षांनी संदीप अरुण नलावडे यांच्यासोबत काम करतोय. त्यामुळे संदीप थोडा इमोशनल झाला. त्याने सोशल मीडियावर एक व्हिडिओ शेयर करून कॅप्शन लिहिलंय कि..

सध्या मी “विठ्ठल” या मराठी चित्रपटाचे शुटींग करतोय,मी तीन वर्ष वारी केल्यामुळेच मला विठ्ठल नावाच्या सिनेमात काम मिळाले असं मी मानतो. अजून एक आनंद म्हणजे श्वास चित्रपटानंतर (२१ वर्षानंतर) मला अरूण नलावडे सरांसोबत काम करण्याची संधी मिळाली आहे. लवकरच हा चित्रपट आपल्या भेटीला येईल….असं कॅप्शन संदीपने लिहिलंय.

या व्हिडिओत अरुण नलावडे यांनीही संदीपला आशीर्वाद दिले आहेत. अरुण नलावडे म्हणतात, "संदीपच्या आयुष्याची सुरुवात मी बघितली होती. आज माझ्या शेजारी विठ्ठलच बसलाय. या सगळ्या योगायोगाच्या गोष्टी आहेत." असं अरुण नलावडे म्हणाले. पुढे संदीपला अरुण नलावडे यांनी आशीर्वाद दिले. अशाप्रकारे संदीप आणि अरुण नलावडे २१ वर्षांनी एकमेकांसोबत काम करत आहेत.

दोघांच्या वर्क फ्रंट बद्दल सांगायचं झालं तर... संदीप आता ढिशक्यांव या मराठी सिनेमात झळकणार आहे. हा सिनेमा १० फेब्रुवारी २०२३ ला रिलीज होतोय. तर दुसरीकडे अरुण नलावडे सध्या सोनी मराठीवरील प्रतिशोध या मालिकेत अभिनय करत आहेत. आता श्वास नंतर संदीप पाठक - अरुण नलावडे २१ वर्षांनी त्यांच्या अभिनयाची काय जुगलबंदी करणार, हे लवकरच विठ्ठल सिनेमात पाहायला मिळणार आहे.