Satish Alekar: सतीश आळेकर यांना 'विष्णुदास भावे पुरस्कार' जाहीर | Sakal
sakal

बोलून बातमी शोधा

Satish Alekar

Satish Alekar: सतीश आळेकर यांना 'विष्णुदास भावे पुरस्कार' जाहीर

Satish Alekar: नाट्यक्षेत्रात मानाचा आणि प्रतिष्ठेचा समजला जाणारा विष्णुदास भावे पुरस्काराची नुकतीच घोषणा करण्यात आली आहे. यावर्षीचा पुरस्कार हा ज्येष्ठ नाट्यकर्मी सतीश आळेकर यांना प्रदान केला जाणार आहे. 5 नोव्हेंबर रोजी मराठी - हिंदी चित्रपट क्षेत्रातील प्रसिद्ध दिग्दर्शक डॉ.जब्बार पटेल यांच्या हस्ते हा पुरस्कार दिला जाणार आहे. गेल्या तीन दशकांहून अधिक काळ आळेकर यांनी रंगभूमीसाठी महत्वाचे योगदान दिले आहे. अभिनेता, नाटककार, दिग्दर्शक, निर्माता अशा वेगवेगळ्या भूमिकांमधून आळेकर यांनी आपली वेगळी ओळख निर्माण केली आहे.

आज एका पत्रकार परिषदेतून विष्णुदास भावे पुरस्काराची घोषणा करण्यात आली. त्यात त्यांचे नाव जाहीर करण्यात आले. सतीळ आळेकर यांच्या नावाची घोषणा होताच मराठी नाट्यरसिकांनी आनंद व्यक्त केला आहे. सतीश आळेकर यांनी महानिर्वाण, बेगम बर्वे सारख्या नाटकांतून प्रेक्षकांचे लक्ष वेधून घेतले आहे.

घाशीराम कोतवाल’या नाटकासाठी डॉ. जब्बार पटेल यांना दिग्दर्शनात साहाय्य केलेल्या आळेकर यांनी थिएटर अॅकॅडमी या नाट्यसंस्थेच्या स्थापनेत महत्वाची भूमिका घेतली. याच संस्थेच्या माध्यमातून रंगमंचावर आलेल्या ‘मिकीमाऊस आणि मेमसाब’, ‘महापूर’, ‘महानिर्वाण’, ‘बेगम बर्वे’या नाटकांनी आळेकर यांना नाटककार म्हणून वेगळी ओळख दिली. आळेकर यांना यापूर्वी अखिल भारतीय नाट्य परिषदेचा जीवन गौरव पुरस्कार प्राप्त झाला असून आळेकर यांना पद्मश्री किताबानं देखील सन्मानित करण्यात आले आहे.

Web Title: Satish Alekar Famous Dramatist Actor Vishnudas Bhave Awards 2022 Dr Jabbar Patel

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..