शाहीद कपूरने सुरु केलं 'जर्सी' सिनेमाचं शूटींग

मुंबई- लॉकडाऊननंतर बॉलीवूडमधल्या अनेक सिनेमांचं शूट सुरु झालं. काही सिनेमांचं शूटींग संपून आता हे सिनेमे रिलीजसाठी देखील सज्ज झाले आहेत. बॉलीवूडमधील असे काही सिनेमे आहेत जे खूप चर्चेत आहेत. यातलंच एक नाव आहे ते शाहीद कपूर स्टारर 'जर्सी' या सिनेमाचं. शाहीदच्या 'जर्सी' सिनेमाची जबरदस्त चर्चा आहे. या सिनेमाची चर्चा तसं पाहायला गेलं तर आधीपासूनंच होती मात्र या सिनेमावर आता मोठ्या प्रमाणावर काम सुरु आहे. या सिनेमाचं शूटींग लॉकडाऊनमुळे थांबलं होतं मात्र आता सुरु झालं आहे.

हे ही वाचा: ‘यु गॉट मॅजिक विथ नील माधव’चा आगामी सिझन लवकरच प्रेक्षकांच्या भेटीला

अभिनेता शाहीद कपूर नुकताच त्याच्या आगामी सिनेमासाठी जीवतोडून मेहनत करताना दिसला. त्याने त्याच्या या मेहनतीची झलक स्वतः सोशल साईटवर पोस्ट केली आहे. यामध्ये तो क्रिकेट खेळताना दिसतोय. शाहीद कपूरने त्याच्या इंस्टाग्राम अकाऊंटवर काही फोटो शेअर केले आहेत. यामधील एका फोटोमध्ये शाहीद क्रिकेटची प्रॅक्टीस करताना दिसून येतोय. शाहीद कपूर क्रिकेटरचा युनिफॉर्म असलेल्या जर्सीमध्ये जबरदस्त शॉट लगावतोय. शाहीदच्या हातात बॅट असून त्याच्या आजुबाजुला अनेक लोक धावत पळत आहेत.

या व्यतिरिक्त शाहीदने आणखी एक फोटो पोस्ट केला आहे ज्यामध्ये तो कॅप घालून स्पोर्ट्स लूकमध्ये पूर्णपणे तयार झाला आहे. शाहीदने त्याचे फोटो शेअर करत म्हटलंय, उठा आणि चला. सगळ्यांना सुप्रभात. हॅशटॅग जर्सी. स्वप्न पाहण्यासाठी अजुन उशीर झालेला नाही. या फोटोंच्या माध्यमातून शाहीदने तो कशा प्रकारे ट्रेनिंग घेतोय हे दाखवलंय.   

shahid kapoor started shooting for upcoming film jersey shared photos playing cricket