शिल्पा शेट्टीच्या(Shilpa Shetty) वाढदिवशी आज ८ जून रोजी तिची बहिण शमिता शेट्टी(Shamita Shetty) आणि राकेश बापट(Raquesh Bapat) यांच्या ब्रेकअपची बातमी समोर येतेय. बिग बॉस ओटीटी पासून या दोघांमध्ये सुरु झालेल्या प्रेमाचा आता द एन्ड झालाय आणि दोघांचे रस्ते आता वेगळे झाले आहेत. फिल्मफेअरच्या एक्सक्लुसिव्ह रिपोर्टनुसार असं दिसून आलं आहे की आता दोघांनी एकमेकांच्या सहमतीनं आपल्या रोमॅंटिक नात्याला बाय-बाय म्हटलं आहे.(Shamita Shetty and Raqesh Bapat break up..)
रिअॅलिटी शो दरम्यान ते प्रेक्षकांच्या फेव्हरेट कपलमध्ये टॉपवर होते. लोकांनी त्यांच्यामधील प्रेमाला आणि बॉन्डिंगला खूप पसंत केलं. शो संपल्यानंतर देखील ते अनेक इव्हेंट्समधून एकत्र दिसले. राकेश शमिताच्या कुटुंबासोबतही अनेकदा दिसला आहे. कॅमेऱ्यासमोर दोघांमधील प्रेमाचा गोडवा खूपच बहरायचा हे सगळ्यांनीच पाहिलंय. त्यामुळे दोघांमध्ये झालेला हा ब्रेकअप चाहत्यांसाठी आश्चर्याचा धक्काच आहे.
शमिताच्या जवळच्या सूत्रांनुसार दोघांनी एकमेकांच्या सहमतीनं आपल्यासाठी वेगळ्या वाटा निवडल्या आहेत. ते दोघे वेगळे झाले असले तरी एकमेकांप्रती त्यांच्या मनात मैत्री आणि सम्मान कायम असेल असं सूत्रांचे म्हणणे आहे. दोघं कायम एकमेकांचे मित्र असतील असं देखील सूत्रांनी म्हटलं आहे. राकेश आणि शमितानं नुकतंच एका म्युझिक अल्बमचं शूटिंग पूर्ण केलं आहे,जो लवकरच प्रदर्शनाच्या वाटेवर आहे. किमान या माध्यमातून चाहत्यांना त्यांची केमिस्ट्री स्क्रीनवर पहायला मिळेल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.