Siddharth-Mitali: "माझी लक्ष्मी आली!" पाडव्याला सिद्धार्थ - मितालीनं दिली गोड बातमी! होतोय कौतुकाचा वर्षाव

Siddharth Chandekar And Mitali Mayekar Bought New Car: मराठी मनोरंजन विश्वातील तितकीच लोकप्रिय जोडी म्हणजे सिद्धार्थ चांदेकर आणि मिताली मयेकर. सिद्धार्थ अन् मितालीने मालिका आणि चित्रपटांमधुन प्रेक्षकांचे मनोरंजन केले आहे. दोघांच्या चाहत्यांची संख्याही काही कमी नाही.

दोघांची लव्ह स्टोरी चाहत्यांना प्रेमात टाकते. आता सिद्धार्थ आणि मितालीच्या घरी नवीन पाहूणा आला आहे. सोशल मिडियावर पोस्ट शेयर करत त्यांनी ही गोड बातमी चाहत्यांसोबत शेयर केली आहे.

दिवाळीच्या शुभमुहूर्तावर सिद्धार्थ-मितालीने त्यांची पहिली आलिशान कार आपल्या घरी आणली आहे. दिवाळी पाडव्याच्या निमित्ताने सिद्धार्थने आपल्या लाडक्या बायकोचं कौतुक करत या कारचा फोटो शेयर केला आहे.

सिद्धार्थ-मितालीने Kia Seltos ही आलिशान कार खरेदी केली आहे. रिपोर्टनुसार या गाडीची किंमत 10.90 लाख पासून सुरू होते आणि टॉप मॉडेलची किंमत रु. 20.30 लाख आहे. सिद्धार्थ-मितालीनं काळ्या रंगाची गाडी खरेदी केली आहे.

या गाडीचे फोटो शेअर केले आणि कॅप्शनमध्ये लिहिले की, 'आमची पहिली गाडी…Proud of you बायको! तुम्हा सर्वांना दिवाळीच्या खूप खूप शुभेच्छा!' तर मितालीने या गाडीचा एक व्हिडिओ शेयर केला आहे ज्यात तिने 'माझी लक्ष्मी आली' असं म्हटलं आहे.

आता सिद्धार्थ-मितालीचे हे फोटो सोशल मिडियावर व्हायरल होत आहे. त्यांनी सोशल मिडियावर पोस्ट शेयर करत अनेकांनी त्यांचे अभिनंदन केले आहे. विशेष म्हणजे सिद्धार्थ-मितालीने गेल्यावर्षी दिवाळीत मुंबईत पहिलं घर खरेदी केले. आता त्यांनी नवी कार घरी आणली.

सिद्धार्थ-मितालीची जोडी सोशल मिडियावर खुप सक्रिय असते. दोघेही त्यांचे फोटो आणि व्हिडिओ चाहत्यांसोबत शेयर करत असतात. या जोडीचा मोठा चाहता वर्ग असल्याने त्याचे फोटो आणि व्हिडिओ व्हायरल देखील होत असतात.