सिद्धार्थ मल्होत्राच्या 'जबरिया' अंदाजाची चर्चा

वृत्तसंस्था
बुधवार, 24 जुलै 2019

जबरिया जोडी चित्रपटातील सिद्धार्थ मल्होत्राच्या अभय सिंह या बिहारी व्यक्तिरेखेची चर्चा होतीये. सिद्धार्थचे हे कॅरॅक्टर बिहारमधील एका खऱ्या व्यक्तिसारखे घेतले असल्याची ही चर्चा सुरू आहे. 

सिद्धार्थ मल्होत्रा, परिणीती चोप्रा स्टारर 'जबरिया जोडी'चा ट्रेलर काही दिवसांपूर्वी प्रदर्शित झाला होता. यातील सिद्धार्थ मल्होत्राच्या अभय सिंह या बिहारी व्यक्तिरेखेची चर्चा होतीये. सिद्धार्थचे हे कॅरॅक्टर बिहारमधील एका खऱ्या व्यक्तिसारखे घेतले असल्याची ही चर्चा सुरू आहे. तसेच परिणीती चोप्राची तिखी छोरीवाली भूमिका हे या चित्रपटाचे आकर्षण आहे.

सिद्धार्थने या चित्रपटातील त्याचा एक खास सीन ट्विट केला आहे. 'हम बस एक्झाम सेंटर तक पहुचा देंगे एक्झाम तो टॉपर्स खुद ही लिखेगा' असे कॅप्शन या व्हिडिओला दिलंय.

उत्तर भारतात मोठ्या प्रमाणात असलेले हुंड्याचे प्रस्थ आणि त्याला विरोध करणारा अभयसिंह आणि त्याच्याच तोडीची बिनधास्त अशी परिणीती यांच्या लव्हस्टोरीवर आधारित हा चित्रपट आहे. हुंडा घेणाऱ्या नवरदेवांना अभयसिंह धडा शिकवत असतो, त्याला राजकारणाची आवडही असते. अशातच तो परिणीतीच्या प्रेमात पडतो, मग पुढे काय होते? हे या चित्रपटात बघावे लागेल. 'दहेज के लालचियों की जबरिया जोडी' असा त्याचा या चित्रपटातील फेमस डायलॉग आहे.

सिद्धर्थ-परिणीतीसह अपराजित खुराना, जावेद जाफ्री यांच्याही या चित्रपटात महत्त्वाच्या भूमिका आहेत. प्रशांत सिंह हे या चित्रपटाचे दिग्दर्शक आहेत. 'जबरिया जोडी' हा चित्रपट 2 ऑगस्टला रिलीज होईल.
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Sidharth malhotra s role in Jabariya jodi praises by fans