Nick Jonas Video: कॉन्सर्टमध्ये 'जिजू जिजू' अशा घोषणा ऐकताच निक जोनासने दिली ही भन्नाट प्रतिक्रिया

Lollapalooza India 2024 Nick Jonas: प्रियंका चोप्राचा पती आणि गायक निक जोनास त्याचे भाऊ जो आणि केविन सोबत सध्या मुंबईत आहे. त्याने काल रात्री Lollapalooza मुंबई कॉन्सर्टमध्ये परफॉर्म केला.

भारतीय चाहत्यांनीही या भावंडांचे जोरदार स्वागत केले. कॉन्सर्टमध्ये अनेकजण निक जोनासला 'भाऊजी' म्हणताना दिसले. हा व्हिडिओ सोशल मीडियावर धुमाकूळ घालत आहे.

भारताचा जिजू बनलेल्या निक जोनास आणि त्याच्या भाऊ कॉन्सर्टनिमित्त मुंबईत आहेत. जोनास बंधू गाणं गात असताना प्रेक्षकांनी जिजू जिजू म्हणून घोषणा दिल्या.

शनिवारी जोनास ब्रदर्स अर्थात निक, जो आणि केविन जोनास यांनी कॉन्सर्टच्या पहिल्या दिवशी त्यांच्या हिट गाण्यांवर सादरीकरण केले.

तर केविनने निकची प्रेक्षकांसमोर 'जीजू' म्हणून ओळख करून दिली. ज्यामुळे भारतीय चाहत्यांनी 'जीजू जीजू' असा जयघोष सुरू केला.

निकने त्याचा धाकटा भाऊ जो आणि मोठा भाऊ केविनची 'बिग पापा' म्हणून ओळख करून दिली. प्रियांका-निकची मुलगी मालती मेरी केविनला बडे पापा म्हणून हाक मारते.

निकने हे सांगताच केविनने "जीजू, लेडीज आणि जेंटलमन" अशी प्रतिक्रिया दिली. ज्यावर लोक हसायला लागले आणि मोठ्याने 'जिजू जीजू' म्हणू लागले. यावर निक म्हणाला, "मी तुम्हा सर्वांवर खूप प्रेम करतो, धन्यवाद."

इतकंच नाही तो म्हणाला, "आमचा भारतातील हा पहिलाच परफॉर्मन्स आहे." जेव्हा जमावाने "जिजू, जिजू" चा नारा सुरू केला तेव्हा निक म्हणाला, "एक कुटुंब म्हणून माझे भारताशी खूप घट्ट नाते आहे. आमच्यासोबत राहिल्याबद्दल धन्यवाद. तुमच्यासाठी ही रोमांचक रात्र असेल हे आमचे आश्वासन."

कॉन्सर्टनंतर जोनास ब्रदर्स नताशा पूनावालाच्या पार्टीमध्ये दिसले. त्याचाही व्हिडिओ सोशल मीडियावर व्हायरल होत आहे.