'कॅन्सरला घाबरले नाही, त्याला सामोरी गेले अन् लढाई जिंकली'

मुंबई - बॉलीवूडची प्रसिध्द अभिनेत्री सोनाली बेंद्रे (Bollywood actress sonali bendre) हिला कॅन्सर (cancer) झाला होता. आता ती त्यातून बरी झाली आहे. तिनं मोठ्या जिद्दीनं कॅन्सरला सामोरं जात त्यावर मात केली होती. आपल्या अभिनयानं प्रेक्षकांच्या मनात घर केलेली अभिनेत्री म्हणून सोनालीचे नाव घेता येईल. ज्यावेळी तिला कॅन्सर झाल्याची बातमी समोर आली होती तेव्हा तिच्या चाहत्यांना मोठा धक्का बसला होता. सोनाली सोशल मीडियावर सक्रिय असणारी अभिनेत्री आहे. (sonali bendre shares before and after picture of recovery says she wont be defined)

नुकताच कॅन्सर सर्वाव्हर्स डे (cancer survivers day) साजरा करण्यात आला. त्यानिमित्तानं सोनालीनं एक खास पोस्ट शेअर केली आहे. या पोस्टला चाहत्यांचा मोठा प्रतिसाद मिळाला आहे. सोनालीनं यशस्वीपणे कॅन्सरवर मात केली आहे. तिनं मोठ्या प्रयत्नानं कॅन्सरला टक्कर दिली आहे. त्यामुळे तिचा तो प्रवास कॅन्सरग्रस्तांसाठी प्रेरणादायी म्हणावा लागेल. सोनालीनं आपल्या पोस्टमध्ये तिचा कॅन्सरच्या दरम्यान उपचार घेतानाचा एक फोटो शेअर केला आहे.

सध्या बॉलीवूडमध्ये प्रसिध्द अभिनेत्री किरण खेर (kirron kher) या देखील कॅन्सरनं त्रस्त आहेत. त्यांनीही गेल्या काही दिवसांपूर्वी सोशल मीडियावर पोस्ट शेअर करुन त्याविषयी माहिती दिली होती. त्यांचे पती आणि प्रसिध्द अभिनेते अनुपम खेर यांनी किरण खेर यांच्यासाठी चाहत्यांना आवाहन केले होते.

सोनालीनं यावेळी पोस्ट शेअर करताना लिहिले आहे, वेळ किती लवकर जातो हे काही कळत नाही. आता मी जेव्हा मागे वळून पाहते तेव्हा कळते की, आपण किती मोठा आणि खडतर प्रवास केला आहे. जेव्हा कॅन्सर झाल्याचे कळले तेव्हा ती परिस्थिती मला वेदनादायी वाटली होती. मात्र मी खंबीर राहिले. कॅन्सर हा शब्द मी आव्हान म्हणून स्वीकारला आणि त्यातून बाहेर पडले.