Sonali Kulkarni: सोनाली कुलकर्णी - ओमकार भोजने एकत्र, दिसणार अनोखी 'शॉर्ट अॅंड स्वीट' लव्हस्टोरी

हास्यजत्रा फेम ओंकार भोजने सर्वांचा आवडता अभिनेता. ओंकारने हास्यजत्रा सोजल्यावर तो चला हवा येऊ द्या मध्ये झळकला. याशिवाय त्याला अनेक सिनेमांची ऑफर मिळाली. बॉईज, सरला एक कोटी अशा सिनेमांमध्ये ओंकार झळकला.

आता ओंकारचा आणखी एक नवा मराठी सिनेमा प्रेक्षकांच्या भेटीला येणार आहे. हा सिनेमा म्हणजे शॉर्ट अँड स्वीट. या सिनेमाची नुकतीच घोषणा झालीय.

(sonali kulkarni and onkar bhojane movie short and sweet movie poster launch)

काय आहे शॉर्ट अँड स्वीट सिनेमाची कथा

गणेश कदम दिग्दर्शित ‘शॉर्ट अँड स्वीट’ चित्रपटाचे पोस्टर आज प्रसिद्ध करण्यात आले. या चित्रपटात एका बुटक्या व्यक्तीची कथा संवेदनशीलपणे रेखाटण्यात आली असून या पहिल्या पोस्टरमध्ये ही बाब अत्यंत ठळकपणे अधोरेखित होते. या पोस्टरच्या प्रदर्शनानंतर या चित्रपटाबद्दलची उत्सुकता वाढली आहे.

शॉर्ट अँड स्वीट सिनेमाचे कलाकार

सोनाली कुलकर्णी, श्रीधर वत्सर, हर्षद अटकरी यांच्या प्रमुख भूमिका असलेल्या या चित्रपटाच्या या पोस्टरमध्ये हे कलाकार दिसत आहेत. त्यातील नायक श्रीधर वत्सर एका टेबलावर उभा राहून सोनाली कुलकर्णीच्या गालाजवळ आपले ओठ नेतो असे या पोस्टरमध्ये दिसते. या दृश्यातून चित्रपट रंजक आणि वेगळ्या धाटणीचा आहे, हे अधोरेखित होते. त्यामुळे या चित्रपटाची चर्चा चित्रपट रसिक आणि चित्रपट क्षेत्रामध्ये सुरु झाली आहे.

शॉर्ट अँड स्वीट सिनेमाची रिलीज डेट

याआधी निर्मिती कंपनीने अनेक चित्रपटांची निर्मिती केली असून त्यात मुक्ता बर्वेचा बंदिशाळा (जुन २०१९) या मराठी चित्रपटाचा समावेश असून त्याचे दिग्दर्शन मिलिंद लेले यांनी केले आहे.

याशिवाय ‘लोच्या झाला रे’ या चित्रपटाची निर्मिती परितोष पेंटर (फेब्रुवारी २०२२) यांच्या दिग्दर्शनाखाली झाली आहे. त्याचबरोबर ‘कलरफुल’ या चित्रपटाची निर्मिती प्रकाश कुंटे यांच्या दिग्दर्शनाखाली झाली असून हा चित्रपट २०२४ मध्ये प्रदर्शित होत आहे.

ओंकार - सोनाली यांचा ‘शॉर्ट अँड स्वीट’ सिनेमा ३ नोव्हेंबर २०२३ ला रिलीज होत आहे.