Arshad Warsi : सेबीचा बॉलीवूडच्या अर्शद वारसीसह पत्नीलाही दणका, घातली एक वर्षाची बंदी, काय आहे कारण?

SEBI Bans Sadhna Broadcast's Promoters : सिक्युरिटी अँड एक्सचेंज बोर्ड ऑफ इंडिया (SEBI) ने गुरुवारी चित्रपट अभिनेता अर्शद वारसी आणि त्याची पत्नी मारिया गोरेटी आणि साधना ब्रॉडकास्टच्या प्रमोटर्सला 31 संस्थांना सिक्युरिटीज मार्केटमध्ये व्यापार करण्यापासून प्रतिबंधित केले आहे.

गुंतवणूकदारांना कंपनीचे शेअर्स विकत घेण्यास सुचवणारे दिशाभूल करणारे व्हिडिओ YouTube चॅनलवर पोस्ट केल्याप्रकरणी सेबीने हे पाऊल उचलले आहे.

ज्या कंपनीच्या प्रमोटर्सला रोखे बाजारातून रोखण्यात आले आहे त्यात श्रेया गुप्ता, गौरव गुप्ता, सौरभ गुप्ता, पूजा अग्रवाल आणि वरुण एम. यांचा समावेश आहे. यूट्यूब चॅनलवर दिशाभूल करणारे व्हिडिओ पोस्ट केल्यानंतर सेबीने या युनिट्सना झालेले 41.85 कोटी रुपयांचा बेकायदेशीर नफा जप्त करण्याचे आदेशही दिले आहेत.

अर्शद वारसीला किती फायदा झाला?

या प्रकरणात अर्शद वारसीला 29.43 लाख रुपयांचा, तर त्यांच्या पत्नीला 37.56 लाख रुपयांचा नफा झाल्याचे सेबीने सांगितले. टीव्ही चॅनल साधना ब्रॉडकास्टच्या शेअरच्या किंमतीत काही संस्थांकडून हेराफेरी होत असल्याच्या तक्रारी सेबीला मिळाल्या होत्या.

याशिवाय ही युनिट्स कंपनीचे शेअर्सही काढून घेत आहेत. गुंतवणुकदारांना प्रलोभन देण्यासाठी युट्यूबवर दिशाभूल करणारे हे व्हिडिओ अपलोड करण्यात आल्याचा आरोप तक्रारीत करण्यात आला आहे.

त्यानंतर सेबीने एप्रिल-सप्टेंबर 2022 मध्ये या प्रकरणाची तपासणी केली. एप्रिल ते जुलै 2022 या कालावधीत साधनाच्या शेअर्सच्या मूल्यात आणि व्हॉल्यूममध्ये मोठी तेजी असल्याचे तपासातून समोर आले आहे.

जुलै 2022 च्या दुसऱ्या पंधरवड्यात, 'द अॅडव्हायझर' आणि 'मनीवाइज' या दोन YouTube चॅनेलवर साधनाविषयी खोटे आणि दिशाभूल करणारे व्हिडिओ अपलोड करण्यात आले.

या व्हिडिओंनंतर साधनाच्या शेअरच्या किंमतीत आणि व्हॉल्यूममध्ये मोठी झेप घेतली होती. साधना ब्रॉडकास्ट अदानी समूहाला विकला जाईल असा दिशाभूल करणारा व्हिडिओ प्रसारित करण्यात आला होता.