Video: '83' मधल्या दिलीप वेंगसरकरांच्या भूमिकेचा विचित्र योगायोग

२५ जून १९८३ रोजी लॉर्डच्या मैदानावर भारतीय क्रिकेट संघाने विश्वचषकावर आपलं नाव कोरलं. हीच विजयगाथा आता प्रेक्षकांना मोठ्या पडद्यावर पहायला मिळणार आहे. कबीर खान दिग्दर्शित '83' हा चित्रपट लवकरच प्रेक्षकांच्या भेटीला येणार आहे. यामध्ये अभिनेता रणवीर सिंग (Ranveer Singh) हा कपिल देवच्या भूमिकेत आहे. चित्रपटात कलाकारांची मोठी फौज असून त्यात मराठमोळ्या आदिनाथ कोठारेचीही (Adinath Kothare) वर्णी लागली आहे. या चित्रपटाच्या माध्यमातून त्याने बॉलिवूडमध्ये पदार्पण केलं आहे. यामध्ये तो दिलीप वेंगसरकर (Dilip Vengsarkar) यांची भूमिका साकारतोय. एका जाहिरातीच्या ऑडिशनसाठी गेला असता आदिनाथला '83'मधील वेंगसरकरांची भूमिका मिळाली. या भूमिकेसाठी त्याने कशी मेहनत घेतली, सेटवरील वातावरण कसं होतं, दिग्दर्शक कबीर खानकडून काय शिकायला मिळालं याविषयी त्याने 'ई सकाळ'ला दिलेल्या विशेष मुलाखतीत मनमोकळेपणाने सांगितलं.

या मुलाखतीत आदिनाथने वेंगसरकरांच्या भूमिकेचा एक विचित्र योगायोगसुद्धा सांगितला. त्याचप्रमाणे बुर्ज खलिफावरील फोटो पाहून मुलगी जिजाची प्रतिक्रिया काय होती, याविषयीही तो व्यक्त झाला.

पहा आदिनाथची संपूर्ण मुलाखत-