पुन्हा होणार चावट पणाचा कहर, येतोय 'स्ट्रगरल साला'चा तिसरा सीजन..

struggler saala : विजू माने दिग्दर्शित आणि अभिनेता संतोष जुवेकर, कुशल बद्रिके आणि अभिजीत चव्हाण यांनी गाजवलेली 'स्ट्रगलर साला' ही मराठी यु ट्यूब सिरीज एक वेगळा प्रयोग ठरली. तरुणांची भाषा, थोडीशी चावट शैली आणि शिव्या असा बाज घेऊन या सिरीजचे तरुणांचे तुफान मनोरंजन केले. बघता बघता या सीरिजने दोन सीजन झाले. या दोन्ही सीजन ला भरपूर प्रतिसाद मिळाला. आता याचा तिसरा सीजन कधी येणार याकडे सर्वांचे लक्ष लागले होते,. अखेर याची घोषणा झाली आहे. लवकरच 'स्ट्रगलर साला'चा तिसरा सीजन आपल्या भेटीला येत आहे.

(struggler saala 3 season 3 coming soon)

संतोष जुवेकर (santosh juvekar), कुशल बद्रिके (kushal badrike), विजू माने (viju mane) यांनी नुकतंच सोशल मीडियावर एक लाईव्ह करत 'स्ट्रगलर साला ३' ची घोषणा केली. यावेळी केवळ घोषणा केली नाही तर चाहत्यांशी संवाद साधत या तिघांनी धमाल मस्ती केली. यावेळी चाहत्यांनीही भन्नाट प्रश्नांचा भडीमार केला. शूटटू म्हणजे काय, बाबाचा पाव भाजीचा भाग दाखवा तसेच शिवाय भूत स्पेशल भागाचीही चर्चा करण्यात आली. तसेच 'या सिरिज मधली भाषा अश्लील नसून ही मित्रांची भाषा आहे. चार मित्र एकमेकांशी जया भाषेत बोलतात त्याच भाषेत आम्ही बोलतो. स्क्रिप्ट मध्ये कधीही शिव्या नसतात, त्या चित्रीकरणा दरम्यान ओघाने येतात,' असं यावेळी कुशल म्हणाला.

एका चाहत्याने तर गमतीने तर चक्क शिव्या वाढवा.. असंही सांगितलं. ..तर येत्या पर्वात म्हणजे सीजन ३ मध्ये प्रत्येक भागात नवीन कलाकार, नवीन घटना येतील अशी खात्री विजु माने यांनी दिली. यावेळी स्ट्रगलर साला मधील महत्वाचा घटक अभिनेता अभिजीत चव्हाण म्हणजे बाबा उपस्थित नव्हता. चाहत्यांनी त्याची वारंवार चौकशी केली. पण तो काही अपरिहार्य कारणामुळे गावी गेला असल्याचे यावेळी समजले. पण या घोषणेनंतर स्ट्रगलर सालाचा तिसरा इसजन कधी येणार याची उत्सुकता तरुण प्रेक्षकांना लागली आहे.