Subodh Bhave: "आजुबाजुला हिंदी सिनेमांच्या गर्दीत आमचा मराठी चित्रपट...", सुबोध भावेची सणसणीत पोस्ट व्हायरल

Subodh Bhave News: सध्या बॉक्स ऑफीसवर हिंदी सिनेमांची चांगलीच स्पर्धा पाहायला मिळतेय. रणबीर कपूरचा 'अ‍ॅनिमल' सिनेमा आणि विकी कौशलचा 'सॅम बहादूर' सिनेमा हे दोन सिनेमे बॉक्स ऑफिसवर रिलीज झाले आहेत.

याशिवाय मराठी मनोरंजन विश्वात झिम्मा 2 सिनेमा रिलीज झालाय. आजूबाजुला दोन बिग बजेट हिंदी मराठी सिनेमा असुनही झिम्मा 2 सुद्धा प्रेक्षकांचं प्रेम मिळवतोय. अशातच सुबोध भावेने याविषयी सोशल मीडियवर सणसणीत पोस्ट लिहीलीय.

सुबोध भावेची पोस्ट व्हायरल

सुबोध भावेने सोशल मीडियावर झिम्मा 2 चा पोस्टर शेअर करुन लिहीलंय की, "आजूबाजूच्या हिंदी सिनेमाच्या गर्दीत आमचा मराठी चित्रपट housefull गर्दीत चालू आहे याचा प्रचंड आनंद. रसिक प्रेक्षकांना धन्यवाद आणि धमाल चित्रपट दिल्याबद्दल... झिम्मा 2 संघाचे खूप कौतूक."

झिम्मा २ चं विक्रमी बॉक्स ऑफीस कलेक्शन

sacnilk च्या अहवालानुसार झिम्मा २ च्या बॉक्स ऑफीस कलेक्शनच्या आकड्यांकडे नजर मारली तर सिनेमाने पहिल्या दिवशी १.२० कोटीची कमाई केली. तर दुसऱ्या दिवशी सिनेमाच्या कमाईत वाढ झालेली दिसत असुन झिम्मा २ ने २.२५ कोटी कमावले. त्यामुळे झिम्मा २ ने दोन दिवसातच ३ कोटींहून अधिकची कमाई केलीय.

झिम्मा 2 मध्ये तगड्या कलाकारांची फौज

कलर येल्लो प्रॉडक्शन्सच्या सहकार्याने जिओ स्टुडिओज प्रस्तुत, चलचित्र मंडळी निर्मित, ज्योती देशपांडे, आनंद एल राय आणि क्षिती जोग निर्मीत,  हेमंत ढोमे दिग्दर्शित झिम्मा 2 सिनेमात सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरू, शिवानी सुर्वे आणि सिद्धार्थ चांदेकर  यांच्या दमदार भुमिका आहेत.