Sunny Leone: 'तुम्हाला काय माहिती मला बॉलीवूडमध्ये येण्यासाठी काय करावं लागलं?'

Sunny Leone : सनी लियोनीचं नाव माहिती नाही असं कुणी शोधून सापडणार नाही. ती प्रसिद्ध सेलिब्रेटी झाली आहे. आता तर तिला भारतामध्ये देखील मोठ्या प्रमाणावर चाहते आहेत. बॉलीवूडच्या वेगवेगळ्या चित्रपटांमध्ये ती दिसली आहे. अॅटम साँगमध्ये सनी लियोनीच्या परफॉर्मन्सनं चाहत्यांना निखळ आनंद दिला आहे.

सोशल मीडियावर सनी लियोनी ही नेहमीच वेगवेगळ्या कारणांसाठी चर्चेत असणारी सेलिब्रेटी आहे. भलेही तिची ओळख एका वेगळ्या गोष्टीसाठी असेल मात्र आता तिनं त्यापासून घेतलेली फारकत खूप काही सांगून जाणारी आहे.

सनीनं दिलेल्या एका मुलाखतीमध्ये आपल्याला खूप संघर्ष करावा लागला असे सांगत तुम्ही प्रत्येकाला तुमची बाजू पटवून देऊ शकत नाही. त्यात तुम्हाला काही अडथळ्यांना सामोरं जावं लागतेच असे म्हटले आहे. सनीच्या त्या मुलाखतीची खूप चर्चा होताना दिसते आहे.

Also Read - T+1 Settlement मुळे वाढेल शेअर बाजारातली उलाढाल

स्प्लिट्सव्हिलाच्या एक्स ४ ची होस्ट म्हणून सनी लियोनीची वर्णी लागली आहे. त्या शो मधील कशिश ठाकूरला प्रेरित करण्यासाठी सनीनं तिची स्टोरी सांगितली आहे. जी आता व्हायरल झाली आहे.

त्यामध्ये तिनं आज लोकांना आपल्या नावाकडे पाहिल्यावर जे ग्लॅमर आठवते त्यामागील मेहनत दिसत नाही. म्हणून ते फार सहजपणे ट्रोल करुन जातात. यावेळी सनीनं कशिशला कोणत्याही परिस्थितीमध्ये हार न मानण्यास सांगितले आहे.

सनी म्हणते, बॉलीवूडमध्ये आता मला दहा वर्षे पूर्ण होतील. पण मला अजुनही लोकं जी नावं ठेवतात तेव्हा त्याचे काहीही वाटत नाही.

कारण मी काय आहे कुणालाही मला समजावून सांगायचे नाही. लोकं तुम्हाला कोणत्याही कारणाशिवाय काहीही बोलून जातात. त्यासगळ्या गोष्टींवर विचार करायचा झाल्यास तर मग आपले काही खरे नाही. मला सुद्धा बॉलीवूडमध्ये येण्यापूर्वी लोकांनी खूप त्रास दिला.

जर मी सगळ्यांचे ऐकत बसले असते तर मला आता बॅग पॅक करुन घरी जावे लागले असते. आपल्याकडे प्रत्येक गोष्टींसाठी संघर्ष आहे. तेव्हा त्याला पार करुन तुमच्या यशाकडे वाटचाल करायची असते.

अशावेळी कोण काय म्हणते याचा जास्त विचार करायचा नाही. लोकांना काय माहिती की मी माझी ओळख मिळवण्यासाठी आणि ती टिकवण्यासाठी काय केले ते...तेव्हा आपण आपले काम करत राहायचे. असेही सनीनं यावेळी सांगितले.