esakal | नवा 'सुपरमॅन' असेल बायसेक्शुअल; हवामान बदल आणि शरणार्थींसाठी लढणार I Superman
sakal

बोलून बातमी शोधा

Superman
जॉननं हवामान बदलामुळे होणाऱ्या जंगलातील आगीचा सामना केलाय.

नवा 'सुपरमॅन' असेल बायसेक्शुअल; हवामान बदल आणि शरणार्थींसाठी लढणार

sakal_logo
By
बाळकृष्ण मधाळे

नवा सुपरमॅन जोनाथन केंट हा क्लार्क केंट (Clark Kent) आणि लोइस लेनचा मुलगा आहे. लवकरच हा सुपरमॅन एका पुरुष मित्रासोबत रोमँटिक सीन करताना दिसणार आहे. डीसी कॉमिक्सनं सोमवारी ही घोषणा केलीय. जोनाथन केंट (Jonathan Kent) हा त्याच्या-वडिलांपेक्षा वेगळा सुपरमॅन असल्याचं सिद्ध करतोय. त्याची नवी मालिका Superman : Son of Kal-El जुलैमध्ये सुरू झाल्यापासून, जॉननं हवामान बदलामुळे होणाऱ्या जंगलातील आगीचा सामना केलाय, तर महानगरातील निर्वासितांच्या हद्दपारीचाही त्यानं निषेध नोंदवलाय, असं या मालिकेत दाखवण्यात आलंय. मात्र, आता तो वेगळा 'सुपरमॅन' असणार आहे.

क्लार्क केंटच्या जागी आता दुसऱ्या सुपरमॅनची एंट्री या मालिकेच्या माध्यमातून होणार आहे. मालिका लिहिणारे टॉम टेलर (Tom Taylor) एका मुलाखतीत म्हणतात, नवा सुपरमॅन आता नव्या भूमिकेत असणार असून वास्तविक जगाच्या समस्या सोडविण्यासाठी तो तत्पर असेल. जगातील सर्वात शक्तिशाली लोकांपैकी एक म्हणून, तो लोकांच्या पाठी उभा असेल. 'सुपरमॅन'मधून बाहेर पडून कॉमिक्सनं विविधता स्वीकारलीय आणि सामाजिक समस्यांचा शोध घेत आहे. बॅटमॅनचा साथीदार रॉबिननं अलीकडेच एका पुरुष मित्रासाठी रोमँटिक भावना कबूल केलीय. आणि आता नवीन एक्वामन (Aquaman) कॉमिकमध्ये एका समलिंगीच्या भूमिकेत असणार असून तो एक काळा माणूस आहे, जो या मालिकेचा नायक असणार आहे.

हेही वाचा: प्रियकरासोबत आईचं 'सैराट' पलायन; मुलीनं थाटला मुलाच्या बापाशीच 'संसार'

'Seduction of the Innocent' नंतर 1954 मध्ये मानसोपचारतज्ज्ञ फ्रेड्रिक वर्थहॅम (Fredric Wertham) यांच्या पुस्तकानं सेक्स, वर्णभेद आणि हिंसाचाराबद्दल चिंता व्यक्त केलीय. कॉमिक्स आणि किशोरवयीन अपराध वाचणं. हा या पुस्तकामागील उद्देश होता, असं ते सांगतात. वर्थहॅमने बॅटमॅन आणि रॉबिनचं वर्णन, दोन समलिंगी एकत्र राहण्याचं स्वप्न, असं केलंय. या पुस्तकामुळं प्रेरणा मिळाली असून 1956 मध्ये याची कॉमिक्स कोड अथॉरिटीव्दारे निर्मिती झालीय, ज्यात कॉमिक्स इंडस्ट्री काय कॉमिक्स चित्रित करू शकते, यावर सुनावणी झाली. बॅटवुमनचे (Batwoman) पात्र त्या वर्षी कॅपेड क्रुसेडरसाठी (Caped Crusader) प्रेम दर्शविणारे म्हणून सादर केलं गेलं. मात्र, ती मालिका फारकाळ चालली नाही. परंतु, 2006 मध्ये ती पुन्हा सुरू झाली.

हेही वाचा: केरळात लिंग बदलणाऱ्यांची संख्या वाढली; पुरुषापेक्षा 'महिला' होण्याची अधिक इच्छा

समलिंगी किंवा लेस्बियन दर्शवणाऱ्या सुरुवातीच्या मुख्य प्रवाहातील कॉमिक्सपैकी एक 1980 मध्ये प्रदर्शित झाली. मात्र, त्या मालिकेचे सकारात्मक चित्रण नव्हते. कथेत मार्व्हल्स हल्कचा बदलणारा अहंकार ब्रुस बॅनर, Y.M.C.A मध्ये आहे, जिथं दोन समलिंगी पुरुष त्याच्यावर बलात्कार करण्याचा प्रयत्न करतात. 1992 पासून गोष्टी विकसित होऊ लागल्या, जेव्हा नॉर्थस्टार, दुसरा मार्वल हिरो बाहेर आला. एका कार्यक्रमात न्यूयॉर्क टाइम्सच्या संपादकीय पानात त्याची प्रशंसाही झाली होती. सुपरमॅन हा पहिला L.G.B.T.Q नसला तरी, नायक आणि शेवटचा असणार नाही, कॉमिक्स तज्ञांनी सांगितलं की सुपरमॅन बाहेर येण्याबद्दल काहीतरी विशेषतः महत्त्वपूर्ण होतं, म्हणून याची निर्मिती केल्याचे त्यांनी नमूद केलंय.

loading image
go to top