Tara Sutaria: इकडं ब्रेकअप तिकडं डिनर! ब्रेकअप होताच तारा सुतारिया दुसऱ्यासोबत

बी-टाऊनच्या सुंदर अभिनेत्रीबद्दल बोलायचे झाले तर त्यात तारा सुतारियाचेही नाव आहे. फिल्ममेकर करण जोहरच्या 'स्टुडंट ऑफ द इयर 2' चित्रपटातून बॉलिवूड इंडस्ट्रीत पाऊल ठेवणारी तारा तिच्या वैयक्तिक आयुष्यामुळे अनेकदा चर्चेत असते. अलीकडेच तारा सुतारिया आणि तिचा लॉन्ग टाइम बॉयफ्रेंड आदर जैन यांचे ब्रेकअप झाले आहे. दरम्यान, तारा सुतारियाचे नवीनतम फोटो सोशल मीडियावर समोर आले आहेत, ज्यामध्ये ती रोमँटिक कॅंडल लाईट डिनर डेटवर गेली आहे.

एक काळ असा होता जेव्हा तारा सुतारिया आणि आदर जैन हे बी-टाऊनचे सर्वात प्रसिद्ध जोडपे मानले जात होते. अनेक प्रसंगी, तारा आणि आदर यांना सोबत स्पॉट केले आहे. दरम्यान, तारा सुतारिया आणि आदर जैन एकमेकांशी लग्न करणार असल्याची बातमीही आली होती. पण या जोडप्याच्या नुकत्याच झालेल्या ब्रेकअपने या सर्व बातम्यांना ब्रेक लावला. आता तारा सुतारिया आणि आदर जैन यांचे मार्ग एकमेकांपासून वेगळे आहेत.

अलीकडेच तारा सुतारियाने तिच्या अधिकृत इंस्टाग्राम हँडलवर नवीनतम फोटो शेअर केले आहेत. या फोटोंमध्ये तारा कँडल लाईट डिनर डेटवर गेली असे दिसत आहे. या फोटोंमध्ये तारा खूपच सुंदर दिसत आहे. या फोटोंना कॅप्शन देताना ताराने नॅट किंग कोलच्या 'द व्हेरी थॉट ऑफ यू' या प्रसिद्ध गाण्याची ओळ लिहिली आहे.

तारा सुतारियाचे हे फोटो पाहिल्यानंतर आदर जैन यांच्यानंतर तारा आता कोणासोबत डिनर डेटवर गेली असल्याची चर्चा रंगली आहे. तारा सुतारियाने इन्स्टा पोस्टवर याचा खुलासा केला नसला तरी, इन्स्टा स्टोरीमध्ये ताराने सांगितले आहे की ती तिची मैत्रिण श्रद्धा इंदर मेहताच्या या खास डिनर डेटवर आली आहे.