'तेरे बाप का क्या जाता है'; बोल्ड श्वेता तिवारीचा नेटकऱ्यांवर तिखट पलटवार

छोट्या पडद्यावरची हॉट आणि सुंदर अभिनेत्री म्हणून श्वेता तिवारीची(Shweta Tiwari) नेहमीच चर्चा असते. ती नेहमीच आपल्या सौंदर्यानं चाहत्यांना घायाळ करताना दिसते. सोशल मीडियावर तिनं पोस्ट केलेल्या फोटोंमुळे पुन्हा एकदा इंटरनेटचा पारा चढला आहे. नव्या फोटोंमधून ती भलतीच बोल्ड दिसत आहे. तिच्या फोटोंपेक्षा तर अधिक तिच्या कॅप्शनची चर्चा रंगली आहे. ज्यामुळे सगळ्यांचं लक्ष अधिक तिच्या फोटोंकडे गेलं आहे.

श्वेता तिवारीनं आपल्या इन्स्टाग्राम अकाऊंटवर आपले काही नवीन फोटो शेअर केले आहेत. ज्यामध्ये तिनं मल्टीकलरचा गाऊन घातला आहे. फोटोंमध्ये श्वेता खूप हसताना दिसत आहे. या फोटोंना शेअर करत श्वेता तिवारीनं कॅप्शनमध्ये लिहिलं आहे,''वे- इतना क्या हंस रही है?'', ''हम-तेरे बाप का क्या जाता है?'' श्वेता तिवारीच्या या पोस्टवर सेलिब्रिटींनी वेगवेगळ्या प्रतिक्रिया नोंदवल्या आहेत. टी.व्ही अॅक्टर फहमानने लिहिलं आहे,'त्याचा बाप मजनू आहे आणि मजनू नेहमी जळतो अगं'. चाहत्यांनी श्वेताच्या स्माइलची देखील प्रशंसा केली आहे. एका युजरनं लिहिलं आहे,'किती क्युट स्माइल आहे'. तर दुसऱ्यानं लिहिलं आहे,'तु खूपच गॉजर्स आहेस'. तर एकानं लिहिलंय,'एवढं हसायला हवं होतं का?'

श्वेता बोल्डनेसच्या बाबतीत आपली मुलगी पलक तिवारीला देखील टक्कर देते. छोट्या पडद्यावर भले ती खूप साध्या-सरळ व्यक्तिरेखा साकारताना दिसत असेल पण सोशल मीडियावर मात्र तिच्या बोल्डनेसनं आग लावते. वयाची चाळीशी पार केल्यानंतरही तिचं बोल्ड फोटोशूट पाहून चाहते नेहमीच हैराण होतात. आपल्या कामापेक्षा अधिक श्वेता सध्या फोटोशूटमध्ये अधिक बिझी दिसते.