'या' दिवशी येतोय 'कॉफी विथ करण'चा 7 वा सिझन, 'या' कलाकारांची होणार पोलखोल

koffee with karan : कलाकारांच्या व्यावसायिक आणि वैयक्तिक आयुष्यातील बऱ्या वाईट गोष्टी जाणून घेत त्यांची पोलखोल करणारा 'कॉफी विथ करण' (koffee with karan) हा कार्यक्रम गेली काही वर्षे सुरु आहे. करोनापूर्वी या कार्यक्रमाचा सहावा सिझन पार पडला होता या कार्यक्रमाचे पुढचे पर्व कधी येणार याकडे सर्वांचे लक्ष लागले होते. त्यानंतर हा सीझन होणार की नाही यावरून बरीच चर्चा रंगली. का शो कायम स्वरूपी बंद होणार असल्याची एक अफवा स्वतः करणने पसरवली आणि चाहते नाराज झाले. त्यानंतर पुन्हा शो लवकरच सुरू होणार असल्याचे त्याने जाहीर केले. पण 7 वे पर्व कधी सुरू होणार याची उत्कंठा सर्वांनाच लागली आहे, अखेर याबाबत खात्रीशीर माहिती मिळाली आहे. (The 7th season of 'koffee with Karan' is coming on 7 july)

'कॉफी विथ करण 7' चा प्रिमिअर शो हा 7 जुलै रोजी होणार आहे. काही दिवसांपूर्वी करण अनुपमा चोप्रा यांच्या फिल्म कँपेनियनच्या चॅट शोमध्ये सामील झाला होता. या चॅट शोमध्ये करणनं 'कॉफी विथ करण'च्या नव्या सिझनबाबत सांगितलं. तो म्हणाला की, 'मी 7 जुलैला कॉफी विथ करणच्या 7 व्या सिझनचा प्रिमियर तुम्हाला दाखवण्यासाठी उत्सुक आहे.'

करण (karan johar) 'कॉफी विथ करण' या कार्यक्रमाचे सूत्रसंचालन करतो. या कार्यक्रमामध्ये वेगवेगळे सेलिब्रिटी सहभाग घेतात. आपल्या गोड शब्दात तो कलाकारांची पोलखोल करतो. त्यांच्या आयुष्यातील काही घटना लोकांसमोर आणणे, त्यांची थट्टा मस्करी करणे असे स्वरूप या कार्यक्रमाचे आहे. आमिर खान , शाहरूख खान , अमिताभ बच्चन आणि सलमान खान यांसारख्या प्रसिद्ध कलाकारांनी या शोमध्ये हजेरी लावली होती. तर यंदाच्या पर्वात 'आलिया रणबीर', 'दीपिका रणवीर', किंवा सलमान खान, आमिर खान आणि शाहरुख खान हे एकत्र उपस्थित राहतील अशी चर्चा आहे