Timepass 3 : 'टाइमपास ३’ च्या कलाकरांनी रिक्षाचालकांसोबत धरला ठेका

सध्या 'टाइमपास ३' चा सर्वत्र बोलबाला आहे. चित्रपटातील गाणी सोशल मीडियावर चांगलाच धुमाकूळ घालत आहेत. त्यापैकीच एक ट्रेंडिंग गाणे म्हणजे 'वाघाची डरकाळी'. नुकताच ठाण्यातील रिक्षा स्टँडवर हृता दुर्गुळे, प्रथमेश परब, मनमीत पेम यांनी या गाण्यावर ठेका धरला. या वेळी त्यांना रिक्षाचालकांनीही साथ दिली. विशेष म्हणजे यात काही महिला रिक्षाचालकही होत्या. या प्रसंगी दिग्दर्शक रवी जाधवही उपस्थित होते. (Time Pass 3 Marathi Movie Artist Hruta durgule, Prathamesh Parab, Manmit Pem Dance)

क्षितीज पटवर्धन यांनी शब्दबद्ध केलेल्या या गाण्याला अमितराज यांनी संगीत दिले आहे. तर हे गाण्याला वैशाली सामंत यांनी आपला ठसकेबाज आवाज दिला आहे. झी स्टुडिओज आणि अथांग कम्युनिकेशन्स निर्मित, रवी जाधव (Ravi Jadhav) दिग्दर्शित 'टाइमपास ३’ (Timepass3) येत्या शुक्रवारी म्हणजे २९ जुलै रोजी प्रेक्षकांच्या भेटीला येत आहे.