अल्लु अर्जुनच्या सात वर्षाच्या अयानचा 'वर्क आऊट'; व्हिडिओ व्हायरल

मुंबई - टॉलीवूडमधील सुपरस्टार म्हणून अल्लु अर्जुन ओळखला जातो. त्याचा चाहतावर्ग मोठा आहे. केवळ टॉलीवूडमध्येच नाही तर बॉलीवूडमध्ये देखील त्याच्या चित्रपटांना मोठा प्रेक्षकवर्ग मिळतो. तो वेगवेगळ्या रियॅलिटी शो मध्येही सहभागी झाल्याचे दिसून येते. अशावेळी त्याच्या त्या व्हिडिओंना चाहत्यांना तुफान प्रतिसाद मिळाल्याचे दिसते. आता त्याच्या सात वर्षाच्या अयानचा जीम करतानचा व्हिडिओ व्हायरल झाला आहे. त्याला लाखो व्ह्युज मिळाले आहेत. अल्लुच्या चाहत्यांनी अयानचं तोंडभरुन कौतूक केलं आहे.

अल्लु अयान सोशल मीडियावरुन चाहत्यांची पसंती मिळवत असतो. त्याच्या लेटेस्ट व्हिडिओला प्रेक्षकांचा मोठा प्रतिसाद मिळाला आहे. त्यामध्ये अयानचा वर्कआऊट व्हायरल झाला आहे. त्याचं झालं असं अयानचे काका वरुण तेज हे आपल्या गनीला प्रमोट करण्यासाठी एक प्रमोशन व्हिडिओ तयार करत होते. त्यावेळी त्यांना अयानचाही व्हिडिओ तयार करावा अशी कल्पना सुचली आणि त्यांनी ती अंमलात आणली. सध्या तो व्हिडिओ प्रेक्षकांचे लक्ष वेधून घेतो आहे. सात वर्षाच्या अयानच्या त्या व्हिडिओला चाहत्यांचा मोठा प्रतिसाद मिळाला आहे. काहींनी त्याला मनपूर्वरक शुभेच्छा दिल्या आहेत तर काहींनी अल्लुपेक्षाही मोठं नाव कमावण्याचा सल्ला दिला आहे.

त्या व्हिडिओमध्ये अयाननं आपल्या काकाची नक्कल केली आहे. जी प्रेक्षकांना कमालीची आवडली आहे. आतापर्यत या व्हिडिओला लाखो व्ह्युज मिळाले आहे. चाहत्यांनी त्याला छोटा गनी अशी उपमा दिली आहे. गनी ही एक स्पोर्टस ड्रामा मुव्ही आहे. किरण कोर्रापती लिखित आणि दिग्दर्शित या चित्रपटामध्ये सई मांजरेकर ही मुख्य भूमिकेत दिसणार आहे. तर वरुण तेज हा एका बॉक्सरच्या भूमिकेत आहे. काही दिवसांपूर्वी निर्मात्यांनी गनी अंथम रिलिज केले होते. त्यालाही चाहत्यांचा मोठा प्रतिसाद मिळाल्याचे दिसून आले आहे.