प्रिंस-युविकाकडे 'गुड न्युज'? काय आहे व्हायरल व्हिडिओमागचं सत्य?

मुंबई- युविका चौधरी आणि प्रिंस नरुला टीव्ही सेलिब्रिटींच्या बेस्ट जोडींपैकी एक आहेत. दोघांचा एक व्हिडिओ व्हायरल झाला होता. या व्हिडिओनंतर हे दोघंही लवकरंच आई-बाबा बनणार असल्याच्या चर्चांचा उधाण आलं. नुकतंच युविकाने या चर्चांवर मौन सोडत यामागचं सत्य सांगितलं आहे. 

हे ही वाचा: अमृता राव आणि आरजे अनमोलने बाळाची झलक दाखवत केली नावाची घोषणा  

त्याचं झालं असं की एक व्हिडिओ व्हायरल झाला होता ज्यामध्ये करवा चौथच्या दिवशी युविकाने गुलाबी रंगाचा अनारकली ड्रेस घातला होता. थोडासा लूज असलेल्या या ड्रेसमुळे लोकांनी युविका प्रेग्नंट असल्याचा अंदाज लावला. एका वेबसाईटसोबत बोलताना युविकाने सांगितलं की ती प्रेग्नंट नाहीये. ती नुकतीच एका आजारातून बाहेर आली आहे. तिने सांगितलं की तिला आधी डेंग्यु झाल्याने हॉस्पिटलमध्ये दाखल करण्यात आलं होतं त्यानंतर तिला कोरोनाची लागण झाली. आत्ता ती दोन्ही आजारांमधून बाहेर आली आहे.

युविकाच्या म्हणण्यानुसार तिच्या प्रेग्नंसीच्या बातम्या खोट्या आहेत आणि तिला यावर हसू येत आहे. युविका तिच्या ड्रेसिंगबद्दल बोलताना म्हणाली की, कदाचित त्या ड्रेसमध्ये कोणत्या तरी एँगलने बेबी बम्प सारखं दिसलं असेल मात्र असं काही नाहीये. तिने म्हटलंय की माझ्या आयुष्यात मला मुल हवंय पण आत्ता ही वेळ नाहीये. ते तेव्हाच होईल जेव्हा त्याची योग्य वेळ येईल.   

tv prince narula wife yuvika chaudhary denies pregnancy rumours reacts on viral video