कॅमेरा पाहून उर्फी लागली पळू; युजर्स म्हणाले, पहिल्यांदा हिचा व्हिडिओ आवडला

Urfi Javed Latest News बिग बॉस ओटीटी फेम अभिनेत्री उर्फी जावेद (Urfi Javed) नुकतीच डॉक्टरांच्या क्लिनिकच्या बाहेर दिसली. उर्फी जावेद मेकअपशिवाय (Without Makeup) होती. कॅमेरा पाहून ती पळू लागली. तिने फोन व हातांनी चेहरा लपवायला सुरुवात केली. पापाराझींनी चेहऱ्यावर काय झाले? असे विचारले तेव्हा उर्फी जावेदने सांगितले की, तिचा चेहरा चमकत (ग्लो) आहे. उर्फी जावेद मेकअपशिवाय खूप अस्वस्थ वाटत होती.

काही वेळ चेहरा लपवून इकडे-तिकडे धावल्यानंतर उर्फी जावेद (Urfi Javed) थांबली आणि फोटोग्राफरशी बोलू लागली. काही सेकंदानंतर तिने फोटोग्राफरला म्हटले, चला आता खूब झाले. यानंतर फोटोग्राफरने कॅमेरा बंद केला. हा व्हिडिओ इंस्टाग्रामवर शेअर करण्यात आला आहे. अनेक युजर्सनी व्हिडिओवर कमेंट केल्या आहेत.

वेशभूषा आणि विधानांमुळे ट्रोल होणारी अभिनेत्री उर्फी जावेदच्या व्हिडिओवर एका युजरने लिहिले, पैसा संपला?. दुसऱ्याने लिहिले की, पहिल्यांदाच हिचा व्हिडिओ आवडला आहे. अनेक युजर्सनी उर्फी जावेदच्या नो मेकअप लुकचे कौतुक केले आहे. ती मेकअपशिवाय (Without Makeup) चांगली दिसते असेही लिहिले आहे. व्हिडिओमध्ये उर्फी जावेद फक्त काजळ लावून असल्याची दिसत आहे.