Urvashi Rautela : खोटारडी नाहीतर, IIT पास झाल्याचे सांगते!

Urvashi Rautela Justifies Calling Herself An IITian : मनोरंजन विश्वामध्ये मुक्तपणे मुशाफिरी कऱणाऱ्यांना उर्वशी रौतेला कोण असे विचारणं चूकीचे ठरेल. गेल्या काही दिवसांपासून उर्वशी ही तिच्या वेगवेगळ्या गोष्टींमुळे चर्चेत आल्याचे दिसून आले आहे. सोशल मीडियावर नेहमीच फोटो आणि व्हिडिओ यामुळे प्रेक्षकांचे आकर्षण असणाऱ्या उर्वशीचा आता एक वेगळाच चेहरा समोर आला आहे.

उर्वशीनं आपण आयआयटीयन्स असल्याचे सांगून अनेकांकडून शाबासकी मिळवली होती. तिच्या सोशल मीडिया हँडलवर तो उल्लेख दिसल्यानं अनेकांनी तिचं तोंडभरुन कौतूकही केलं होतं. मात्र त्यावर जेव्हा प्रत्यक्षात उर्वशीला विचारणा करण्यात आली तेव्हा तिनं दिलेलं उत्तर तिच्यासाठी टीकेचा विषय ठरताना दिसत आहे. उर्वशीच्या नावावर वेगवेगळे विक्रम आहेत. ती लोकप्रिय सेलिब्रेटी आहे.

आपल्या परखड वक्तव्यांमुळे उर्वशी ही नेहमीच चर्चेचा विषय राहिली आहे. अशावेळी तिला अनेकदा सोशल मीडियावरील ट्रोलिंगलाही सामोरं जावं लागलं आहे. काही महिन्यांपूर्वी भारतीय क्रिकेटर ऋषभ पंतवरुन उर्वशी ट्रोल झाली होती. तिचं आणि ऋषभचं नाव जोडलं जात आहे. अशावेळी चाहत्यांनी उर्वशीला त्याबाबत विचारणा केली होती.मात्र तिनं त्यावर कोणतीही प्रतिक्रिया दिलेली नाही.

आता उर्वशीनं तिच्या शैक्षणिक पात्रतेवर केलेलं विधान चर्चेत आलं आहे. यापूर्वी तिनं तिच्या बायोमध्ये आपण आयआय़टीयन्स असल्याचा उल्लेख केला होता. प्रत्यक्षात तिनं आयआयटीची प्रवेश परीक्षा उत्तीर्ण केली होती. असे सांगत तिनं किती त्या परिक्षेमध्ये गुण मिळवले होते हे सांगितले आहे. त्यावरुन अनेक नेटकऱ्यांनी उर्वशीला ट्रोल करण्यास सुरुवात केली आहे.