Vicky Kaushal : विकी कौशल साकारणार छत्रपती संभाजीराजे! चाहत्यांना उत्सुकता

Vicky Kaushal : बॉलीवूडमधील प्रसिद्ध अभिनेता विकी कौशल हा त्याच्या वेगवेगळ्या भूमिकांसाठी ओळखला जाणारा कलाकार आहे. तो केवळ रंजकपटामध्ये न दिसता हटक्या भूमिका करणाऱ्या कलाकारांपैकी एक आहे. असे म्हटले जाते. आता विकीच्या बाबत एक मोठी बातमी समोर आली आहे.

मराठीतील प्रसिद्ध दिग्दर्शक लक्ष्मण उतेकर छत्रपती संभाजी महाराजांच्या आयुष्यावर आधारित सिनेमाचं दिग्दर्शन करत आहेत. ही भूमिका अभिनेता विकी कौशल साकारणार आहे. सोशल मीडियावर ही पोस्ट व्हायरल झाली आहे. त्यामुळे विकी कौशलच्या या चित्रपटाविषयी चाहत्यांना, नेटकऱ्यांना कमालीची उत्सुकता आहे.

Also Read - ..या शहरात सापडतात शेकडो रोनाल्डो आणि मेस्सी

प्रख्यात दिग्दर्शक महेश मांजरेकरांच्या वेडात मराठे वीर दौडले सात या चित्रपटामध्ये देखील बॉलीवूडचा खिलाडी अक्षय कुमार दिसणार आहे. अक्षयच्या नावाला सोशल मीडियावर वाद झालेला दिसून आला. जेव्हा अक्षयनं छत्रपती शिवाजी महाराजांच्या वेशभूषेतील तो व्हिडिओ शेयर केला होता. त्यावरुन त्याच्या त्या लूकवर टीका करण्यात आली होती.

काही नेटकऱ्यांनी अक्षय कुमारचं कौतूकही केलं होतं. आता विकी कौशलची बातमी व्हायरल झाल्यानं त्याच्यावर कौतूकाचा वर्षाव होताना दिसतो आहे. आता चाहत्यांना विकीच्या त्या चित्रपटाची उत्सुकता आहे. यापूर्वी विकीनं सरदार उधम, उरी, या चित्रपटातून प्रेक्षकांची पसंती मिळवली आहे.

विकी कौशलचा काही दिवसांपूर्वी गोविंदा नाम मेरा नावाचा चित्रपट ओटीटीवर प्रदर्शित झाला होता. त्यालाही प्रेक्षकांचा मोठा प्रतिसाद मिळाला. आता तो प्रसिद्ध दिग्दर्शक लक्ष्मण उत्तेकर यांच्या एका चित्रपटामध्ये छत्रपती संभाजी महाराजांच्या भूमिकेत दिसणार असल्याची बातमी सुत्रांनी दिली आहे. त्या चित्रपटामध्ये सारा अली खानही दिसणार असल्याची चर्चा आहे. अद्याप या चित्रपटाबाबत कोणतीही माहिती समोर आलेली नाही.