'विकी कौशलच्या भावाला डेट करत नाही': शर्वरी वाघचा खुलासा

बॉलीवूडची लोकप्रिय जोडी विकी कौशल (Vicky Kaushal) आणि कतरिना कैफचं काही दिवसांपूर्वी मोठ्या उत्साहात लग्न पार पाडलं. राजस्थानातील एका मोठ्या हॉटेलमध्ये पार पडलेल्या या लग्नाची आठवडाभर देशभरात चर्चा होती. त्याचे सोशल मीडियावर व्हायरल झालेल्या फोटोंनी चाहत्यांचे लक्ष वेधून घेतले होते. आता विकी कौशलच्या भावाच्या रिलेशनशिपची चर्चा सुरु झाली आहे. त्याला एक मराठी अभिनेत्री डेट करत असल्याची माहिती सुत्रांनी दिली आहे. मराठी अभिनेत्री शर्वरी वाघनं (Sharvari Wagh) यावर्षी बंटी आणि बबली 2 (Bunty Aur Babli 2) मधून बॉलीवूडमध्ये एंट्री केली होती. तिच्या भूमिकेचं प्रेक्षकांनी कौतूकही केलं होतं.

मिळालेल्या माहितीनुसार शर्वरी वाघ ही सध्या विकी कौशलचा भाऊ अभिनेता सनी कौशलला (Sunny Kaushal) डेट करत असल्याची चर्चा आहे. ती विकी कौशल आणि कतरिनाच्या लग्नाला राजस्थानातील माधवपूरला गेली होती. जेव्हा ती लग्नावरुन परतली तेव्हा सनी कौशल सोबत एअरपोर्टवर काही फोटोग्राफर्सनं त्यांचे फोटो घेतले. ते व्हायरल झाले आहेत. त्यावरुन नेटकऱ्यांनी वेगवेगळ्या प्रकारच्या प्रतिक्रिया त्यावर दिल्या आहेत. इंडिया डॉट कॉमनं दिलेल्या माहितीनुसार सनी कौशल आणि शर्वरी वाघ यांच्या डेटिंगविषयीच्या ज्या बातम्या व्हायरल झाल्या आहेत. त्या अफवा असल्याचे म्हटले आहे. शर्वरीनं देखील अशा गप्पांमध्ये काही अर्थ नसल्याचे म्हटले आहे.

शर्वरीनं सांगितलं की, आम्ही चांगले मित्र आहोत. गेल्या चार वर्षांपासून आमची मैत्री आहे. आता सध्या काही अफवा कानी आल्या आहेत. मात्र त्याच अफवाच आहेत. शर्वरी आणि सनी कौशलनं कबीर खानच्या द फॉरगॉटन आर्मी मध्ये काम केलं होतं. त्या मालिकेला प्रेक्षकांचा मोठा प्रतिसाद मिळाल्याचे दिसून आले होते. यापूर्वी शर्वरीनं सहाय्यक दिग्दर्शक म्हणूनही काम केलं आहे.