Ind vs Aus Final: साथ तुझी माझी.. पराभवाच्या दुःखात अनुष्का विराटच्या पाठीशी ठाम

Ind vs Aus Final Updates: आज भारताने वर्ल्डकप गमावला. समस्त भारतीयांचं स्वप्नभंग झालं. वर्ल्डकपमध्ये एकही सामना न गमावणाऱ्या भारतीय क्रिकेट संघाला फायनलमध्ये हार पत्करावी लागली. स्टेडियममध्ये अनेकांच्या डोळ्यात पाणी आलं होतं.

अभिनेत्री अनुष्का शर्मा फायनलचा सामना पाहायला उपस्थित होती. विराट कोहली जेव्हा सामना संपल्यावर ड्रेसिंग रुममध्ये आला तेव्हा अनुष्का त्याचं सांत्वन करताना दिसली.

वर्ल्डकपमध्ये पराभव झाल्यावर भारतीय क्रिकेट संघ निराश झाला. विराट कोहलीनेही डोक्यावरची टोपी चेहऱ्यावर ठेवून दुःख लपवण्याचा प्रयत्न केला. पुढे ड्रेसिंग रुमकडे जाताना विराट - अनुष्काची भेट झाली. अनुष्का शर्माने विराट कोहलीला मिठी मारून सांत्वन केल्याचा भावूक क्षण बघायला मिळाला. दुःखात सुद्धा एकमेकांना खंबीर साथ देणारे अनुष्का - विराट यावेळी बघायला मिळाले.

भारत आणि ऑस्ट्रेलिया यांच्यातील विश्वचषकाच्या अंतिम सामन्यानंतर, रविवारी अहमदाबादच्या नरेंद्र मोदी स्टेडियममध्ये भारताला पराभव पत्करावा लागला. लाखो भारतीयांप्रमाणेच अभिनेत्री अनुष्का शर्माही भावूक झालेली दिसली. अनुष्काचे डोळे पाणावले होते. तरीही ती खंबीरपणे पती विराट कोहली आणि भारतीय क्रिकेट संघाला सपोर्ट करताना दिसली.