Waheeda Rehman: बापरे! वहिदा रहमान यांनी अमिताभ बच्चन यांच्या लगावली होती कानशिलात, अशी होती बिग बींची प्रतिक्रिया

वहिदा रहमान या त्यांच्या काळातील हिंदी चित्रपटसृष्टीतील उत्कृष्ट अभिनेत्रींपैकी एक आहेत. वहिदा रहमान यांचा जन्म 3 फेब्रुवारी 1938 रोजी चेंगलपट्टू, तामिळनाडू येथे झाला. आज अभिनेत्री आपला 85 वा वाढदिवस साजरा करत आहे. 50 आणि 60 च्या दशकात वहिदा रहमान आपल्या उत्कृष्ट अभिनयाच्या जोरावर प्रेक्षकांची मनं जिंकत असत. वहिदा रहमान यांच्या सौंदर्याचे करोडो चाहते होते.

वहिदा रेहमान यांनी आपल्या चित्रपट कारकिर्दीत दिग्गज कलाकारांसोबत काम केले आहे. वहिदा यांनी शतकातील मेगास्टार अमिताभ बच्चन यांच्यासोबतही काम केले आहे. वहिदा रहमानच्या वाढदिवसानिमित्त, त्यांच्या आयुष्याशी संबंधित एक मनोरंजक किस्सा जाणून घेऊया, जेव्हा त्यांनी चित्रपटाच्या सेटवर अमिताभ बच्चन यांना थप्पड मारली होती.

जेव्हा एखादा चित्रपट बनतो तेव्हा त्याची संपूर्ण कथा पडद्यावर दाखवली जाते, पण शूटिंगदरम्यानही अशा अनेक गोष्टी घडतात, ज्यांचे रूपांतर किस्से आणि कथांमध्ये होते. हे नंतर लक्षात राहतात. अशीच एक कथा 'रेश्मा और शेरा' या चित्रपटाशी संबंधित आहे. या चित्रपटाच्या शूटिंगदरम्यान वहिदा रहमान यांनी अमिताभ बच्चन यांना एका सीनच्या शूटिंगदरम्यान थप्पड मारली होती.

या चित्रपटाच्या शूटिंग दरम्यान वहिदा रहमान यांना अमिताभ बच्चन यांना जोरदार थप्पड मारायची होती. शूटिंगपूर्वी वहिदा यांनी अमिताभ बच्चन यांना इशारा दिला होता. वहिदा गमतीत म्हणाल्या , तयार राहा, मी तुम्हला जोरात थप्पड मारणार आहे.

अशा परिस्थितीत जेव्हा सीनचे शूटिंग सुरू होते तेव्हा वहिदा रहमान यांनी अमिताभ बच्चन यांना जोरदार थप्पड मारली. थप्पड चुकून मारली असली तरी अभिनेत्रीचा विनोद खरा ठरला. हा सीन संपल्यावर अमिताभ बच्चन यांना थप्पड मारण्यात आल्याचे सर्वांना समजले होते.

सीन संपल्यानंतर अमिताभ बच्चन वहिदा रहमान यांच्याकडे गेले आणि त्यांना म्हणाले, 'अच्छा था'. खरंतर, कपिल शर्माच्या शोमध्ये स्वतः वहिदा रहमान यांनी ही गोष्ट उघड केली होती. तेव्हापासून हा मनोरंजक किस्सा खूप लोकप्रिय झाला आहे.