अभिनेता सलमान खानच्या नावाखाली एका महिलेची फसवणूक करण्यात आली आहे. राजस्थानमधल्या एका महिलेला तीन आरोपींनी १२ लाख रुपयांचा गंडा घातला आहे. सलमान खानच्या मालकीचा घोडा विकत देऊ असं सांगत आरोपींनी तिची फसवणूक केली. याप्रकरणी महिलेनं पोलिसांत तक्रार दाखल केली आहे.
संबंधित महिलेकडून आरोपींनी ११ लाख रुपये रोख रक्कम व उर्वरीत पैसे चेकच्या माध्यमातून घेतल्याचं तिने सांगितलं. हे प्रकरण राजस्थान हायकोर्टात गेलं असता कोर्टाने महिलेला संबंधित पोलीस उपायुक्तांकडे मदत मागण्यास सांगितलं.
निर्भय सिंह, राजप्रीत आणि अन्य एका व्यक्तीने मिळून त्या महिलेला सलमानचा घोड्यासोबतचा फोटो दाखवला. तो घोडा विक्रीसाठी उपलब्ध असल्याचं सांगत तिच्याकडून १२ लाख रुपये घेतले आणि पसार झाले. पैसे भरल्यानंतर घोडा न मिळाल्याने त्या महिलेनं गेल्या वर्षी ऑगस्ट महिन्यात तक्रार दाखल केली होती. तक्रार दाखल केल्यानंतरही पुढे कोणतीच कारवाई न झाल्याने महिलेनं जोधपूर उच्च न्यायालयात याचिका दाखल केली. कोर्टाने पोलीस उपायुक्तांना याप्रकरणात महिलेला सहकार्य करण्याचे आदेश दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.