वेब सीरिजच्या सेटवर गुंडांचा गोंधळ; सनी लिओनीला सुरक्षित स्थळी हलवलं

विक्रम भट्ट यांच्या 'अनामिका' या वेब सीरिजच्या शूटिंगदरम्यान सेटवर काही गुंडांनी गोंधळ घातल्याची माहिती समोर येत आहे. विक्रम भट्ट यांनी अॅक्शन डायरेक्टर अब्बास अली मोघुल यांचे ३८ लाख रुपये थकवल्याने गुंडांनी सेटवर गोंधळ घातला असं म्हटलं जातंय. 'टाइम्स ऑफ इंडिया'ने दिलेल्या वृत्तानुसार, अखेर विक्रम भट्ट यांनी सेटवर येऊन अभिनेत्री सनी लिओनीला सुरक्षित स्थळी हलवलं. त्याचसोबत पुढील शूटिंगसाठी त्यांनी जागा बदलण्याचा निर्णय घेतला. 

अब्बास यांचे पैसे थकवल्याने फायटर्स असोसिएशनच्या काही लोकांनी सेटवर गोंधळ घातला होता. अब्बाल आणि विक्रम भट्ट यांनी आठ शोजसाठी एकत्र काम केलं होतं आणि त्याचेच ३८ लाख रुपये थकवल्याचा आरोप त्यांच्यावर केला जात आहे. या गोंधळमुळे अखेर वेब सीरिजच्या शूटिंगचं ठिकाण बदलावं लागलं. 

हेही वाचा : रिक्षाचालकाच्या मुलीनं नाव कमावलं! 'मिस इंडिया'ची उपविजेती मान्या सिंहचा खडतर प्रवास 

हेही वाचा : आमिरची लेक फिटनेस प्रशिक्षकाच्या प्रेमात; सोशल मीडियावर जाहीर केलं नातं

विक्रम भट्ट दिग्दर्शित 'अनामिका' या वेब सीरिजमध्ये सनी लिओनी मुख्य भूमिकेत आहे. या सीरिजची पटकथासुद्धा विक्रम भट्ट यांनीच लिहिली आहे. करोना महामारी आणि लॉकडाउनमुळे या वेब सीरिजचं शूटिंग पुढे ढकलण्यात आलं होतं. या सीरिजमध्ये अॅक्शन सीन्सचा भरणा असून सनी लिओनीसुद्धा काही अॅक्शन सीन्स करताना दिसणार आहे. दहा एपिसोड्सची ही वेब सीरिज एमएक्स प्लेअरवर प्रदर्शित होणार आहे.