स्वीटू-नलूचा भन्नाट डान्स व्हायरल; सोशल मीडियावर ऑनस्क्रीन मायलेकी हिट

झी मराठी वाहिनीवरील 'येऊ कशी तशी मी नांदायला' yeu kashi tashi mi nandayla ही मालिका अल्पावधीतच लोकप्रिय झाली. या मालिकेतील प्रत्येक कलाकाराने चाहत्यांची मनं जिंकली. यात ऑनस्क्रीन मायलेकींची भूमिका साकारणारे स्वीटू आणि नलू यांची जोडी सोशल मीडियावर चांगलीच चर्चेत असते. या दोघींमध्ये पडद्याबाहेर खूप चांगली मैत्री असून सोशल मीडियावर एकमेकांसोबतचे फोटो, व्हिडीओ ते पोस्ट करत असतात. नलूची भूमिका साकारणाऱ्या अभिनेत्री दिप्ती केतकरने Dipti Ketkar तिच्या इन्स्टाग्राम अकाऊंटवर नुकताच एक व्हिडीओ पोस्ट केला आहे. या व्हिडीओत ती आणि स्वीटूची भूमिका साकारणारी अभिनेत्री अन्विता फलटणकर Anvita Phaltankar या डान्स करताना दिसत आहेत. स्वीटू-नलूचा हा डान्स सोशल मीडियावर तुफान हिट ठरतोय. (yeu kashi tashi mi nandayla fame dipti ketkar and anvita phaltankar dance video viral)

सध्या इन्स्टा रिल्समध्ये ट्रेंडमध्ये असलेल्या 'वन डान्स'चं चॅलेंज स्वीटू-नलूने पूर्ण केलंय. या दोघींचा डान्स नेटकऱ्यांना खूपच आवडला असून अनेकांनी त्यावर कमेंट्स करत त्यांचं कौतुक केलं आहे. अन्विताला डान्सची फार आवड असून तिचे अनेक व्हिडीओ ती सोशल मीडियावर पोस्ट करत असते. तर दिप्तीसुद्धा तिच्याइतकीच चांगली डान्सर आहे, याची प्रचिती या व्हिडीओतून येते.

दिप्ती-अन्विताची मैत्री

मदर्स डेनिमित्त दिप्तीने अन्वितासोबतचे काही फोटो पोस्ट केले होते. 'स्वीटू म्हणजेच अन्विता पडद्यावर माझ्या मुलीची भूमिका साकारतेय म्हणून ऑफस्क्रीन किंवा खऱ्या आयुष्यात मी तिच्यासोबत पालकांसारखी वागणार नाही असं ठरवलं होतं. पण नकळत हे नातं जोडलं गेलं आणि आता आणखी घट्ट झालं', अशा शब्दांत दीप्तीने तिच्या भावना व्यक्त केल्या होत्या. कदाचित लॉकडाउन किंवा दोघींचा स्वभाव सारखा असल्याने आमचं नातं खूप छानप्रकारे जोडलं गेलं असावं, असं तिने लिहिलं होतं. अन्विताने 'येऊ कशी तशी मी नांदायला' या मालिकेतून छोट्या पडद्यावर पदार्पण केलं. ती साकारत असलेली स्वीटूची भूमिका सध्या फार लोकप्रिय झाली आहे.