Yodha Teaser: हायजॅकर्ससोबत लढणार सिद्धार्थ मल्होत्रा, दिशाचा दमदार अंदाज; 'योद्धा'चा जबरदस्त टीझर रिलीज

Yodha Teaser: बॉलिवूडमधील प्रसिद्ध अभिनेता सिद्धार्थ मल्होत्राच्या (Sidharth Malhotra) आगामी 'योद्धा' (Yodha) या चित्रपटाची अनेक दिवसांपासून प्रेक्षक वाट पाहत आहेत. या चित्रपटाचा टीझर रिलीज झाला आहे. या टीझरमध्ये ॲक्शन सीन्स पाहायला मिळणार आहेत. त्यामुळेच चाहते हा चित्रपट रिलीज होण्याची आतुरतेने वाट पाहत आहेत.

दहशतवाद्यांसोबत लढणार सिद्धार्थ

'योद्धा' या चित्रपटाच्या टीझरमध्ये सिद्धार्थ जबरदस्त ॲक्शन मोडमध्ये दिसत आहे. तो फायटिंग करताना दिसत आहे. 'योद्धा' या चित्रपटाच्या टीझरची सुरुवात विमानाच्या हायजॅकने होते. जिथे सिद्धार्थ मल्होत्रा ​​कमांडोच्या रूपात धडाकेबाज स्टाईलमध्ये एन्ट्री करतो. एकीकडे 'योद्धा' या चित्रपटाच्या टीझरमध्ये सिद्धार्थ मल्होत्रा ​​दहशतवाद्यांसोबत लढताना करताना दिसत आहे. तर दिशा पटानी एअर होस्टेसच्या भूमिकेत दिसत आहे.

कधी रिलीज होणार चित्रपट?

सिद्धार्थ मल्होत्राच्या 'योद्धा' या चित्रपटाचा टीझर पाहिल्यानंतर चाहते आता चित्रपटाच्या रिलीजची आतुरतेने वाट पाहत आहेत. 'योद्धा' हा चित्रपट 15 मार्च 2024 रोजी रिलीज होणार आहेत. या चित्रपटात सिद्धार्थ मल्होत्राशिवाय दिशा पटानी आणि राशी खन्ना यांच्याही भूमिका आहेत. या चित्रपटाची निर्मिती हीरो यश जोहर, करण जोहर, अपूर्व मेहता आणि शशांक खेतान यांनी केली आहे. वृत्तांवर विश्वास ठेवला तर योधा चित्रपट ही धर्मा प्रॉडक्शनची पहिली एरियल ॲक्शन फ्रँचायझी आहे.

सिद्धार्थचे चित्रपट

'स्टुडन्ट ऑफ द इयर' या चित्रपटातून सिद्धार्थनं बॉलिवूडमध्ये पदार्पण केलं. तसेच त्यानं हसी तो फसी, एक व्हिलन, कपूर अँड सन्स या चित्रपटात काम केलं आहे. शेरशाह या चित्रपटातील सिद्धार्थच्या अभिनयाला प्रेक्षकांची विशेष लोकप्रियता मिळाली.