Zinda Banda Jawan: सळसळती ऊर्जा, कडक डान्स.. शाहरुखच्या जवानचं पहिलं गाणं जिंदा - बंदा

Zinda Banda Song News: शाहरुख खानच्या जवान सिनेमाची सर्वांना उत्सुकता आहे. जवानच्या टीझर पासुनच शाहरुख खानचा लुक, अॅक्शन, डायलॉग अशा अनेक गोष्टींची जोरात चर्चा सुरु आहे.

अशातच आज सोमवारी जवान मधलं पहिलं गाणं रिलीज झालंय. जिंदा बंदा असं या गाण्याचं नाव असुन या गाण्यात शाहरुखचा रॉकींग अंदाज पहायला मिळतोय.

(zinda banda jawan song shah rukh khan atlee release today full song on social media)

जिंदा बंदा गाण्याचं वैशिष्ट्य काय?

जवानच्या जिंदा बंदा गाण्यात पहायला मिळतं की सुरुवातीला शाहरुख घोळक्यातुन त्याच्या खास स्टाईलने चालत येतो. त्याने लाल रंगाचं शर्ट आणि जिन्स पॅंट घातली असते.

आणि मग पुढे जिंदा बंदा गाण्याच्या खास स्टेपवर शाहरुख सळसळत्या एनर्जीने नाचताना दिसतो. शाहरुखच्या मागे अनेक डान्सर दिसत आहेत.

शाहरुख विविध गेटअपमध्ये दिसतोय. शाहरुख ज्या सफाईदारपणे नाचलाय त्याला तोड नाही. मध्येमध्ये शाहरुखचा पोलिस लुक सुद्धा पहायला मिळतोय. पण हा लुक संपुर्णपणे उघड झाला नाहीय.

शाहरुखच्या मागे १००० मुली नाचत आहेत

जिंदा बंदा हे प्रेक्षकांसाठी अ‍ॅक्शन-पॅक्ड असलेलं व्हिज्युअल गाणं आहे. या गाण्यात शाहरुख नेहमीप्रमाणेच रॉकींग अंदाजात डान्स करत असुन शाहरुखच्या मागे 1000 हून अधिक महिला डान्सर्स नाचताना दिसत आहेत. अनिरुद्धने हे गाणं संगीतबद्ध केलंय

या गाण्याचे वैशिष्ट्य म्हणजे चेन्नई, हैदराबाद, बंगलोर, मदुराई, मुंबई आणि इतर अनेक भारतीय शहरांमधील 1000 हून अधिक नर्तकांसह, चेन्नई येथे पाच दिवसांमध्ये मोठ्या प्रमाणावर चित्रित केले गेले.

जिंदा बंदामध्ये शाहरुखसोबत प्रियामणी, सान्या मल्होत्रा ​​आणि जवान मधील इतर अभिनेत्री देखील आहेत.

जवानची रिलीज डेट

शाहरुखचा जवान हा चित्रपट हा रेड चिलीज एंटरटेनमेंट प्रेझेंटेशन आहे. ज्याचे दिग्दर्शन अॅटली यांनी केले असून गौरी खाननं निर्मात्या तर गौरव वर्मा सह-निर्मात्याच्या भूमिकेत आहे.

हा चित्रपट 7 सप्टेंबर 2023 रोजी जगभरातील चित्रपटगृहांमध्ये हिंदी, तमिळ आणि तेलगू भाषांमध्ये प्रदर्शित होणार आहे.