दाम्पत्याने जायकवाडीत उडी मारून केली आत्महत्या

drown_5_0.jpg
drown_5_0.jpg

पैठण : जायकवाडी धरणाच्या पात्रात धरण नियंत्रण कक्षाच्या दोन किलोमीटर अंतरावर आज शनिवारी (ता.5) सकाळी आठ वाजेच्या सुमारास एक पुरुष व एक महिलेचा मृतदेह आढळून आला आहे. मृतदेहाच्या वर्णनावरुन हे मृतदेह पती-पत्नी जोडप्याचे असल्याचे दिसुन येत असुन या पती-पत्नी जोडप्याने धरणात आत्महत्या केली असल्याची माहिती प्रथमदर्शनी समोर येत आहे. या मृतदेहाजवळ एक मोबाईल व त्यात एक लिहलेली चिठ्ठी ही सापडली असुन यावरुन मृत दोघे पती पत्नी असण्याचा अंदाज पोलिसांनी वर्तविला आहे. 

या घटनेची माहिती जायकवाडी धरण नियंत्रण कक्षातील तांत्रिक सहायक गणेश खराडकर यांनी पैठण पोलिस ठाण्यात कळविली असुन पोलिस निरीक्षक किशोर पवार यांच्या मार्गदर्शनाखाली पोलिसांनी घटनास्थळी ताताडीने जाऊन मृतदेह ताब्यात घेऊन पंचनामा केला आहे. घटनास्थळी आत्महत्येपुर्वी धरणाच्या दगडाच्या पिचिंगवर बुट, चप्पल व पाण्याची बाटली खाद्यपदार्थ इत्यादी साहित्य ही आढळुन आले आहे. दरम्यान, हा प्रकार नेमका काय आहे हे पोलिस तपासानंतर स्पष्ट होईल.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com