चित्तेपिंपळगाव (जि. औरंगाबाद) : धुळे-सोलापूर राष्ट्रीय महामार्गावर निपाणी (ता. औरंगाबाद) फाट्याजवळ शनिवारी (ता. ४) मध्यरात्री बीडकडे जाणाऱ्या अज्ञात वाहनाच्या धडकेत नर जातीच्या काळवीटाचा जागीच मूत्यू झाल्याची घटना उघडकीस आली आहे.
निपाणी गावातील काही तरूण सकाळी सहाच्या सुमारास माॅर्निग वाॅकसाठी जात असताना त्यांना रस्त्यावर एक दोन-अडीच वर्ष वयाचे नर जातीचे काळवीट मूत्यूमुखी पडलेल्या अवस्थेत दिसले.
त्यांनी तत्काळ रस्यावर मूत्यूमुखी पडलेल्या काळवीटाला रस्त्याच्या कडेला आणून ठेवले आणि औरंगाबाद येथील वनविभागाच्या कार्यालयाशी संपर्क साधला.
हेही वाचा - एसटी महामंडळाची हिटलरशाही
सकाळी साडे आठच्या सुमारास माहिती मिळूनही सकाळी साडे दहा वाजेपर्यंत वनविभागाचा एकही कर्मचारी घटनास्थळी आलेला नव्हता. यानंतर रस्त्यावर ये-जा करणाऱ्या बघ्यांची मोठी गर्दी होत असल्याने, येथील युवकांनी वारंवार वनविभागाच्या कार्यालयाशी संपर्क केला.
यानंतर दोन तासाच्या प्रतीक्षेनंतर औरंगाबाद येथील वन विभागाचे वाहन व वन कर्मचारी हे घटनास्थळी दाखल झाले, मात्र स्थानिक वनपाल आलेच नाहीत.
हेही वाचा - शाळेत उपलब्ध सॅनिटरी नॅपकिन अन् चेंजिंग रूम
गावातील मधुकर भालेकर, रामहारी भालेकर, अनिल भालेकर, रामु डाके, अक्षय भालेकर, बळीराम भालेकर यांनी वनविभागाच्या कर्मचाऱ्यांना मदतकार्य केले. वनविभागाचे वाहन येईपर्यंत मूत्यूमुखी पडलेल्या काळवीटाजवळ मोकाट कुत्र्यांच्या धाकाने दोन तीन तास थांबून होते. अज्ञात वाहनाच्या धडकेत काळवीटाचा मूत्यू झाल्याने वन्य प्राणीप्रेमींमध्ये हळहळ व्यक्त केली जात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.