वीजेचा शॉक लागून शेतकऱ्याचा मृत्यू, पैठणमधील एकतूनी तांडा येथील घटना

motilal pawar.jpg
motilal pawar.jpg

आडूळ (औरंगाबाद) : गव्हाला पाणी भरण्यासाठी विद्युत मोटार चालू करण्यासाठी गेलेल्या एका शेतकरयाचा मृत्यू झाल्याची घटना एकतुनी तांडा नंबर दोन (ता. पैठण) येथे सोमवारी (ता. १६) रोजी घडली. यानंतर सदरील शेतकऱ्याला नातेवाईक व ग्रामस्थांनी उपचारासाठी आडूळ येथील प्राथमिक आरोग्य केंद्रात आणले असता येथेकार्यरत असलेले एक ही वैद्यकीय अधिकारी किंवा कर्मचारी उपस्थित नसल्याने तब्बल दोन तास रुग्ण रुग्णालयाबाहेर गाडीतच पडून होता. त्यानंतर १०८ रुग्णवाहिकेचे डॉक्टर असलम सय्यद यांनी रुग्णाला तपासले. मात्र, तो पर्यंत शेतकरयाचा मृत्यू झालेला होता. 


एकतुनी तांडा नंबर दोन (ता.पैठण) येथील शेतकरी मोतीलाल काळु पवार (वय५०) हे सोमवारी दुपारी बारा वाजता गव्हाला पाणी भरण्यासाठी गेले होते. त्यावेळी मोटारीचा विद्युत पुरवठा चालू करण्यासाठी स्टार्टर चालू करीत असतांना त्यांना विजेचा शॉक लागला. त्यामुळे ते बेशुद्ध झाल्याने त्यांना उपचारासाठी आडुळ येथील प्राथमिक आरोग्य केंद्रात आणण्यात आले.

मात्र यावेळी येथे कार्यरत तिन्ही वैद्यकीय अधिकाऱ्यांपैकी एक ही वैद्यकीय अधिकारी किंवा कर्मचारी उपस्थित नव्हता. त्यानंतर येथील १०८ रुग्णवाहिकेचे डॉक्टर असलम सय्यद यांनी या रुग्णाला तपासले. मात्र तो पर्यंत उशीरा झालेला होता. या घटनेची माहिती आडुळ बिट जमादार यांना देण्यात आली. यानंतर शवविच्छेदनासाठी येथील दोन वैद्यकीय अधिकारी यांचे भ्रमणध्वनी बंद होते. तर एका वैद्यकीय अधिकारयाने पाचोड ग्रामीण रुग्णालयात नेण्याचा अजब सल्ला दिला. त्यामुळे संतप्त नातेवाईकांनी शवविच्छेदन न करताच मृतदेह ताब्यात घेवून गावाकडे निघून गेले.

(संपादन-प्रताप अवचार)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com