लगबग दसरा दिवाळीची ; नामांकित कंपन्यांच्या वाहनांना चार महिने वेटिंग

Four Months Waiting Period For Most Popular Four Wheleer Aurangabad News
Four Months Waiting Period For Most Popular Four Wheleer Aurangabad News
Updated on

औरंगाबाद : लॉकडाउनमुळे पाच ते सहा महिन्यांपासून बंद असलेले ऑटोमोबाईल क्षेत्र आता पूर्वपदावर येत आहे. दसरा-दिवाळीच्या पार्श्‍वभूमीवर दुचाकी आणि चारचाकीची बुकिंग करणाऱ्यांची संख्या झपाट्याने वाढली आहे. गेल्या महिन्याच्या तुलनेत ही वाढ ३० टक्क्यांनी असून मागणी असलेल्या नामांकित कंपनीच्या चारचाकी वाहनास चार महिन्यांची वेटिंग असल्याने अनेकांचा हिरमोड होत असल्याचे विक्रेत्यांनी सांगितले. 

अनलॉक झाल्यावर वाहन विक्री सुरू झाली; मात्र प्रमाण अत्यल्प होते. सप्टेंबर महिन्यात यात वाढ झाली. तर ऑक्टोबरमध्ये वाहन बाजारात तेजी दिसून येत आहे. कारण दिवसाकाठी जिल्ह्यायातील सर्व शोरूममध्ये २० ते ३० चारचाकी व दुचाकीची बुकिंग होत आहेत. लॉकडाउन झाल्यामुळे ऑटोमोबाईल्स कंपन्यांही बंद पडल्या होत्या, अनलॉक झाल्यावर त्या सुरू झाल्या असल्या तरी, अद्यापही त्या कंपन्या पूर्ण क्षमतेने सुरू झालेले नाहीत. यामुळे कंपन्यांना लागणारे रॉ-मटेरियल्स मिळण्यास अडचणी येत असल्याने वाहन निर्मितीवर परिणाम जाणवत आहे.

औरंगाबादच्या इतर बातम्या वाचण्यासाठी - क्लिक करा

या कारणामुळे चार महिन्यांहून अधिक काळ काही कंपन्यांची वेटिंग करावी लागत आहेत. ही वेटिंग अनलॉक झाल्यापासून सुरू झाल्याचे चारचाकीचे विक्रेते विकास वाळवेकर यांनी सांगितले. 

तसेच बीएस-६चे तंत्रज्ञान असलेली वाहने बाजारात आले असल्याने वाहनांच्या किमतीत १० ते २० हजार रुपयांची वाढ झाली आहे. सध्या १५ ते २० चारचाकी आणि १० ते १५ दुचाकींची बुकिंग करण्यात येत आहे. यापुढे बुकिंग आणखी वाढण्याची शक्यता आहे. अनेक कंपन्यांनी वेगवेगळ्या ऑफर्सही दिल्या आहेत. यामुळेही बुकिंग करणाऱ्यांची संख्याही झपाट्याने वाढली असल्याचेही श्री. वाळवेकर यांनी सांगितले. 

मराठवाड्याच्या इतर बातम्या वाचण्यासाठी - क्लिक करा

या महिन्यात दसरा व पुढील महिन्यात दिवाळी असल्याने बाजारपेठेत नवचैतन्य आहे. या दोन्ही सणासाठी बुकिंग करण्यात येत आहे. मात्र, मागणी असलेल्या नामांकित कंपन्यांच्या वाहनांसाठी ग्राहकांना तीन ते चार महिन्यांची वेटिंग करावी लागणार आहे. मार्चमध्ये बुकिंग केलेल्या काही ग्राहकांना दसरा व दिवाळीला वाहन मिळणार आहे. 
-विकास वाळवेकर, वाहन विक्रेता. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com