ट्रॅक्टर व कारच्या अपघातात एक जण गंभीर जखमी

One person has been seriously injured in a tractor and car accident at Pachod 2.jpg
One person has been seriously injured in a tractor and car accident at Pachod 2.jpg

पाचोड (औरंगाबाद) : नातेवाईकांना भेटून आपल्या कारने घराकडे परत येत असताना अपघात होऊन औरंगाबाद येथील एक डॉक्टर गंभीररित्या जखमी झाले आहे. ही घटना धुळे - सोलापूर राष्ट्रीय महामार्गावरील मुरमा (ता.पैठण) शिवारात सुंदरम् जिनिंग प्रेसिंगसमोर शुक्रवारी (ता.१८) रात्री आठ वाजता घडली. 

अधिक माहिती अशी, औरंगाबाद येथील एक खासगी रुग्णालयातील डॅा.महेमुद मुलानी (वय ३८ वर्षे) हे आपल्या नातेवाईकांना भेटण्यासाठी कार (क्र.एम.एच २० सी.एच.४८२५) ने बीड येथे गेले होते. ते नातेवाईकांस भेटून उपरोक्त कारने औरंगाबादला येत होते. ते पाचोड जवळ आले असता जिनिंगवरून कापूस टाकून रिकामे ट्रॅक्टर घेऊन चालक घराकडे जाण्यासाठी निघाला. ट्रॅक्टर अचानक वळण घेत असताना, बीडकडून औरंगाबादच्या दिशेने भरधाव वेगात येणाऱ्या उपरोक्त कारने ट्रॅक्टरला जोराची धडक दिली. यात कारचा पूर्णतः चुराडा झाला. या कारमधील डॉ.मेहमुद मुलानी हे गंभीर जखमी झाले. अपघातांनतर दुतर्फा वाहनांच्या रांगा लागून काही वेळ वाहतूक खोळंबली. 

या अपघाताची माहिती मिळताच स्थानिक नागरिकांनी घटनास्थळी धाव घेवून मदत कार्य केले. तर पाचोड येथील टोलनाक्यावरील रुग्णवाहिकेला बोलवण्यात येवून जखमींना पाचोडच्या ग्रामीण रुग्णालयात उपचारार्थ दाखल केले. यावेळी वैद्यकीय अधिकाऱ्यांनी त्यांची तपासणी करुन त्यांच्यावर प्रथमोपचार करून त्यांना औरंगाबादला पाठविले. या घटनेची पाचोड पोलिस ठाण्यात नोंद करण्यात आली असून पुढील तपास पाचोडचे सहायक पोलिस निरीक्षक अतुल येरमे व त्यांचे सहकारी करत आहेत.

संपादन - सुस्मिता वडतिले 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com