रामदेवबाबा संशोधित कोरोनानिलला मान्यतेसाठी खंडपीठात याचिका मात्र.....

औरंगाबाद: योगगुरू रामदेव बाबा यांनी संशोधित केलेल्या कोरोनिल व इतर औषधांसंबंधी केंद्राच्या आयुष मंत्रालयाकडून स्पष्टता हवी, संबंधित औषधी कोरोना साथीवर आजवर गुणकारी असल्यास गोरगरीब जनतेला कमी खर्चात उपचार मिळेल यानुषंगाने मुंबई उच्च न्यायालयाच्या औरंगाबाद खंडपीठात दाखल पार्टी इन पर्सन याचिका न्यायमूर्ती संजय गंगापूरवाला व न्यायमूर्ती आर. जी. अवचट यांनी निकाली काढली. 

हेही वाचा- बहिणीच्या जीवासाठी ती सहन करायची बलात्कार, एकदा केमिकल कंपनीजवळ त्याने बोलावले अन..

अॅड. पुजा दिलीप पाटील (बनकर) यांनी खंडपीठात पार्टी इन पर्सन याचिका दाखल करून कोरोना व्हायरस किट कोरोनिल, श्वसारी व इतर आयुर्वेदीक उत्पादने यासंबंधी केंद्राच्या आयुष मंत्रालयाने चाचणी घेऊन दोन आठवड्यात यासंबंधीच्या वापरासंबंधी स्पष्टता द्यावी. जेणेकरून भारतीमधील गरीब जनतेला लाखोंच्या खर्चापासून वाचविता येईल. 

योगगुरू रामदेव बाबा यांनी तयार केलेले कोरोनिल किट केवळ साडेपाचशे रूपयात उपलब्ध होते. देशात आणि जगात कोरोनाचा कहर आहे. यामुळे मोठ्या प्रमाणावर नागारिक बाधित होत असून मृत्यूही मोठ्या प्रमाणावर होत आहे. आयुर्वेदातील स्वस्त किट मिळाल्यास यावर आळा बसेल. केंद्राच्या आयुष मंत्रालयाने यासंबंधी टेस्ट घेऊन निर्वाळा द्यावा अशी विनंती अॅड. पुजा पाटील बनकर यांनी केली.

हेही वाचा: आई आजारी, भावांचाही सांभाळ, कर्ता बनून आठवीतली शीतल देतेय कुटूंबाला आधार

केंद्र सरकार व आयुष मंत्रालयाच्या वतीने अतिरिक्त सॉलिसिटर जनरल संजीव देशपांडे यांनी यासंबंधीची प्रक्रिया सुरू असल्याचे खंडपीठात सांगितले. केंद्र शासन स्वस्त उपचारासंबंधी पूर्णत: प्रयत्न करीत असल्याचे त्यांनी खंडपीठात सांगितल्यामुळे खंडपीठाने याचिका निकाली काढली. राज्याच्या वतीने अॅड. ज्ञानेश्वर काळे पाटील यांनी बाजू मांडली.