चोरलेला टेंपो बंद पडला म्हणुन यांनी काय केल वाचा... 

sespected
sespected

औरंगाबाद - टेंपो, दुचाकी चोरीसह घरफोडी करणाऱ्या दोघांना जिन्सी पोलिसांनी अटक केली. त्यांच्याकडून पोलिसांनी टेंपो व दुचाकी हस्तगत केली आहे. ही कारवाई शुक्रवारी (ता.27) करण्यात आली. 

पोलिसांकडून प्राप्त माहितीनुसार, सचिन सुधाकर दवंगे पाटील (वय 27) व उमेश देविदास मुळे (45, दोघे रा. कैलासनगर) अशी संशयितांची नावे आहेत. चोरलेला टेंपो नेताना ते दोघेही हर्सूल टोलनाक्‍याच्या सीसीटीव्ही कॅमेरात कैद झाले होते. त्यावरून पोलिसांनी त्यांचा शोध घेतला. 

कैलासनगर येथील सिमेंट विक्रेता संदीप किशोर सरीन (34) यांनी अडीच वर्षांपूर्वी सिल्लोड तालुक्‍यातील रफिक देशमुख यांच्याकडून टेंपो (एमएच-20, बीटी-1287) खरेदी केला होता. हा टेंपो त्यांनी 23 डिसेंबरला कैलासनगर येथील स्मशान मारुती मंदिरासमोर उभा केला असता त्यांचा टेंपो दवंगे व मुळेने लांबविला. याप्रकरणी सरीन यांनी जिन्सी पोलिस ठाण्यात तक्रार दिली.

त्यानुसार, जिन्सी पोलिस ठाण्यात गुन्ह्याची नोंद झाली. पोलिसांनी शहरातील नजीकच्या टोलनाक्‍यांची तपासणी केली. तेव्हा हर्सूल टोलनाक्‍यातील सीसीटीव्ही फुटेजमध्ये हे दोघेही कैद झाले. त्यानंतर त्यांना ताब्यात घेत अटक केली.

टेंपो बंद पडला म्हणून... 
चोरीचा टेंपो नेताना जळगाव रस्त्यावरील वाणेगाव फाट्यावर बंद पडला. त्यामुळे दोघांनी टेंपो दवंगेच्या शेतात उभा केला. यानंतर शहरात येण्यासाठी वाणेगाव फाट्यावरील एका हॉटेलसमोरील शेषराव नारायण लगड (रा. फुलंब्री) यांची दुचाकी 24 डिसेंबरला चोरून त्याद्वारे शहरात आले. 

नंतर पुन्हा घरफोडी 
जवाहर कॉलनीतील भानुदासनगरात 22 डिसेंबरला या जोडगळीने बालिका ढाकणे यांचे घर फोडून सोन्याचे दागिने लांबविले होते. ही बाब त्यांच्या चौकशीतून समोर आली. त्यांनी या सर्व गुन्ह्यांची कबुलीही दिली. त्यांना शनिवारी न्यायालयासमोर हजर करण्यात आले असता न्यायालयाने त्यांना पाच दिवसांची पोलिस कोठडी सुनावली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com