Ambadas Danve : अपघातग्रस्त महिलेच्या मदीतीला धावून आले दानवे, स्वत: केली मलमपट्टी

छत्रपती संभाजीनगर : अहमदनगर रस्त्यावर आपल्या पतीसोबत मोटार सायकलने प्रवास करत असलेल्या एका महिलेचा गाडीवरून पडून अपघात झाला. दरम्यान यावेळेसच येथून जात असलेल्या विरोधी पक्षनेते अंबादास दानवे यांनी त्यांची मदत केली.

अंबादास दानवे यांनी अपघात ग्रस्त महिलेला झालेल्या जखमेवरती त्यांच्या गाडितील असलेल्या प्रथमोपचार बॉक्समधून प्राथमिक उपचार केला. दानवे यांचा हा व्हिडीओ चांगलाच व्हायरल होत आहे.

व्हिडीओमध्ये अंबादास दानवे महिलेचा अपघात झाल्याचे बघताच गाडीतून खाली उतरले. यावेळी त्यांनी सुरक्षा रक्षकांना पाणी आणायला सांगितले. तसेच महिलेच्या हाताला व पायाला जखम झाली होती. यावेळी त्यांनी स्वत: मलमपट्टी केली.

अंबादास दानवे यांची जमिनीशी नाळ जोडून असलेला नेता म्हणून ओळख आहे. विरोधी पक्षनेते असले तरी ते आपला ग्रामीण वृत्ती विसरत नाहीत.