Dr.Babasaheb Ambedkar University : विद्यापीठात कुलगुरुराज ? ; प्र-कुलगुरूंना हटविल्याची चर्चा

छत्रपती संभाजीनगर : डॉ. बाबासाहेब आंबेडकर मराठवाडा विद्यापीठाच्या कुलगुरुपदाची सूत्रे डॉ. विजय फुलारी यांनी स्वीकारली.

दोन दिवसांपूर्वी प्र-कुलगुरूंची निवड करण्यात आली खरी, मात्र प्र-कुलगुरूंना कार्यमुक्त केल्याची चर्चा एक फेब्रुवारीला दिवसभर विद्यापीठ वर्तुळात रंगली होती. याबाबत कुलगुरू डॉ. फुलारी यांच्यासह उपकुलसचिव, प्र-कुलगुरू, व्यवस्थापन परिषदेच्या सदस्यांना संपर्क करण्याचा प्रयत्न केला, मात्र संपर्क होऊ शकला नाही.

विशेष म्हणजे, सर्वच संबंधितांचे मोबाइल तब्बल अर्धा तास बिझी येत होते. काही सदस्यांनी नाव न छापण्याच्या अटीवर सांगितले की, शिस्त लावण्यासाठी कुलगुरू जे प्रयत्न करत आहेत, त्यालाच विरोध होत असून गैरसमज पसरले जात आहेत.

तर एका अधिकाऱ्याने नाव न छापण्याच्या अटीवर सांगितले की, शिस्त समजू शकतो; पण कर्मचाऱ्यांचे शिष्टमंडळ कुलगुरूंना भेटण्यासाठी गेले खरे; परंतु निवेदन कुलसचिवांना द्या, माझ्यावर दबाव आणू नका, असे सुनावल्याचे सांगण्यात आले.