विद्यार्थ्यांच्या जेवणात किडे, अळ्या; शासकीय वसतिगृहातील धक्कादायक प्रकार, तक्रार केल्यास काढून टाकण्याच्या धमक्या!

कळमनुरी: येथील डॉ. बाबासाहेब आंबेडकर मागासवर्गीय शासकीय वसतिगृहामध्ये विद्यार्थ्यांना निकृष्ट दर्जाचे जेवण दिले जात असून, या जेवणामध्ये किडे व अळ्या निघाल्याची तक्रार विद्यार्थ्यांनी केली आहे. याशिवाय या ठिकाणी विद्यार्थ्यांसाठी कुठल्याही मूलभूत सोयी-सुविधा दिल्या जात नाहीत.. मात्र, याबाबत तक्रार केल्यास वसतिगृहामधून काढून टाकण्याच्या धमक्या विद्यार्थ्यांना दिल्या जात असल्याचा प्रकार उघड झाला आहे.