Phulambri municipal election campaign comes to a halt as court delays create uncertainty
Sakal
फुलंब्री : फुलंब्री नगरपंचायत निवडणुकीचे राजकारण आता अनिश्चिततेच्या विळख्यात सापडले आहे. दोन डिसेंबर रोजी मतदान होणार असल्याचे वेळापत्रक ठरलेले असतानाच, न्यायालयीन प्रकरणांचा निकाल उशिरा आल्याने निवडणूक स्थगितीची चर्चा राजकीय वर्तुळात जोर धरू लागली आहे. प्रभाग आणि नगराध्यक्ष पदासंबंधीचे काही निर्णय उशिरा जाहीर झाल्यामुळे निवडणूक प्रक्रियेला ब्रेक लागला आहे. मुख्य उबाठा गटाचा निकाल २१ नोव्हेंबर रोजी जाहीर झाला होता, तर पर्यायी उबाठा गटाचा निकाल २५ नोव्हेंबर रोजी घोषित करण्यात आला. या प्रक्रियेमध्ये झालेल्या विलंबामुळे पुढील कार्यक्रमाबाबत संभ्रमाचे वातावरण निर्माण झाले आहे.