सोयगाव नगरपंचायतच्या नगराध्यक्षपदाची आरक्षण सोडत गुरुवारी होणार जाहीर | Soygaon Nagarpanchayat In Aurangabad | Sakal
sakal

बोलून बातमी शोधा

Soygaon Nagarpanchayat President

सोयगाव नगरपंचायतच्या नगराध्यक्षपदाची आरक्षण सोडत गुरुवारी होणार जाहीर

सोयगाव (जि.औरंगाबाद) : केंद्रीय रेल्वे राज्यमंत्री रावसाहेब दानवे (Raosaheb Danve) व राज्याचे महसूल राज्यमंत्री अब्दुल सत्तार (Abdul Sattar) यांनी सोयगाव नगरपंचायत निवडणूक प्रतिष्ठेची केली होती. यात सत्तार यांच्या नेतृत्वाखाली शिवसेनेने बहुमत मिळविले आहे. सोयगाव नगरपंचायत (Soygaon Nagarpanchayat) नगराध्यक्षपदाची आरक्षण सोडत गुरुवारी (ता.२७) सायंकाळी चार वाजता मंत्रालय, मुंबई येथे काढण्यात येणार असल्याचे निर्देश मंगळवारी सोयगाव तहसील कार्यालयाला प्राप्त झाले आहे. सोयगाव नगरपंचायतसाठी दोन टप्प्यात ता.२१ डिसेंबर आणि ता.१८ जानेवारीला मतदान झाले होते. या सतरा जागांसाठी झालेल्या निवडणुकीसाठी आता नगराध्यक्षपदाची (Aurangabad Update) सोडत जाहीर करण्यात येणार आहे. गुरुवारी (ता.२७) दुपारी चार वाजता मंत्रालयात जाहीर होत आहे. प्रधान सचिव नगरविकास-२ यांच्या अध्यक्षतेखाली ही सोडत काढण्यात येणार असल्याचे मंगळवारी प्राप्त आदेशात म्हटले आहे.(Soygaon Nagarpanchayat President Reservation Lucky Draw On Thursday Aurangabad News)

हेही वाचा: सेलूत सौरऊर्जा निर्मिती प्रकल्प २२ गावांतील शेतकर्‍यांना ठरतोय वरदान

या सोडतीच्या ऑनलाईन बैठकीसाठी कोविड-१९ च्या संक्रमणाचा प्रादुर्भाव पाहता विहित केलेले आरोग्यविषयक निकष विचारात घेता सदर सोडतीसाठी संबंधित लोकप्रतिनिधी, अधिकारी यांनी मंत्रालयात उपस्थित राहण्याऐवजी संबंधित जिल्ह्याच्या विभागीय आयुक्त कार्यालयात उपस्थित राहण्याचे आदेशात सूचित करण्यात आले आहे. सदर सोडतीची प्रक्रिया ऑनलाईन बैठकीद्वारे पार पडणार असून संबंधित जिल्ह्यांच्या विभागीय कार्यालयात दूरदृश्यप्रणालीची व्यवस्था करण्याच्या सूचना प्रधान सचिव यांनी दिल्या आहे. या बैठकीला जिल्हाधिकारी, आयुक्त कार्यालयातील कर्मचारी आणि नगरपंचायतीच्या कार्यक्षेत्रातील १० लोकप्रतिनिधींना विभागीय कार्यालयात प्रवेश निश्चित केला आहे.

हेही वाचा: मराठवाड्याचे सुपूत्र आनंद भालेराव राजस्थान केंद्रीय विद्यापीठाच्या कुलगुरुपदी

नगराध्यक्षपदाच्या सोडतीची उत्कंठा

सोयगाव नगरपंचायतवर शिवसेनेचे बहुमत स्पष्ट झालेले असून १७ पैकी ११ जागांवर शिवसेनेने विजय मिळविलेला आहे. त्यामुळे आता सोयगाव नगरपंचायतीच्या नगराध्यक्षपदाची आरक्षण सोडतीकडे शहरवासीयांचे लक्ष लागून आहे. त्यामुळे उत्कंठा वाढली आहे. भाजपकडे सहा जागा आहे. त्यामुळे शिवसेनेच्या एकहाती सत्ता असल्याने नगराध्यक्ष आणि उपनगराध्यक्षपद हे शिवसेनेच्या ताब्यात राहणार आहे. त्यामुळे या निवडीची औपचारिकता शिल्लक राहिली असून नगराध्यक्षपद कोणत्या प्रवर्गाकडे आरक्षित होते. याकडे मात्र शहरवासीयांचे लक्ष लागून आहे.

Web Title: Soygaon Nagarpanchayat President Reservation Lucky Draw On Thursday Aurangabad News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top