Chhatrapati Sambhajinagar: वैष्णवीने अनुभवला माणुसकीचा ‘पदस्पर्श’; कृत्रिम पायासाठी एकवटली शाळा अन् सोबतीला गावही, दुर्घटनेत गमावला हाेता पाय!

छत्रपती संभाजीनगर: असं म्हणतात ‘गाव करील ते राव न करील’. या म्हणीचा प्रत्यय वैजापूरच्या वैष्णवीला आला. घरी अठरा विश्‍वे दारिद्र्य. त्यात खुब्यापासूनच पाय नसल्याने कृत्रिम पायाचा खर्च उचलणेही दुरापास्तच. शाळेने अन् गावाने ठरविलं अन् तिच्या आधुनिक कृत्रिम पायासाठी केलेली धडपड कामी आली. तिला कृत्रिम पाय बसविला अन् ती त्याच पायावर शाळेत गेली. वैष्णवी नवनाथ मापारी असे त्या मुलीचे नाव असून ती दहावीत शिकते. तिच्या पायाचा जवळपास अडीच लाख रुपयांचा खर्च शाळा, गावाने केला.