कोरोना : स्थलांतरीत चार हजार नागरिक पोचले गावी

goregaon photo
goregaon photo
Updated on: 

कळमनुरी (जि. हिंगोली) : कोरोना आजाराच्या पार्श्वभूमीवर कामासाठी मुंबई, पुणे येथे स्थलांतर करणारे तालुक्यातील चार हजार १६ नागरिक शुक्रवारपर्यंत (ता.२७) आपल्या गावी परत आले आहेत. त्‍यांना गावपातळीवर आरोग्य सुविधा देण्यासाठी आरोग्य विभागाने तयारी केली आहे. अंगणवाडी सेविकांच्या मदतीने परतलेल्या नागरिकांची आरोग्यविषयक सर्व माहिती संकलित करण्याचे काम आरोग्य विभागाने हाती घेतले आहे.

कोरोना विषाणूजन्य संसर्ग आजाराच्या पार्श्वभूमीवर लॉकडाऊन घोषित करण्यात आल्यानंतर शहरी भागात जमावबंदी अमलात आणली आहे. नागरिकांनी घरामध्ये राहूनच सुरक्षितता बाळगावी, सार्वजनिक ठिकाणी गर्दी करू नये, अशा सूचना वारंवार देण्यात येत आहेत. मुंबई, पुणे, नाशिक, कोल्हापूर, रत्नागिरी या भागात  कामासाठी स्थलांतर करणारे मजूर व कामगारांनी आता या आजाराच्या पार्श्वभूमीवर जमेल त्या पद्धतीने गावाकडे परतण्याची तयारी चालवली आहे.

प्रत्येक स्थलांतरीत नागरिकांची तपासणी

 जनता कर्फ्यूपासून या स्थलांतरित नागरिकांनी आपापल्या गावी परतणे सुरू केले आहे. मुंबई-पुणे भागातून गावाकडे परतलेल्या ग्रामीण भागातील प्रत्येक मजूर व कामगारापासून या आजाराचा फैलाव होणार नाही, याची काळजी आरोग्य विभागाने घेतली आहे. अंगणवाडी सेविका व आरोग्य विभागाच्या कर्मचाऱ्यांनी ग्रामीण भागात परतलेल्या प्रत्येक महिला व ग्रामस्थांची नोंद संकलित करून त्यांना सर्दी, खोकला, पडसे हा आजार आहे किंवा नाही याची खातरजमा करीत उपचार हाती घेण्यात आले आहेत.

कळमनुरी शहरातील १३८ जणांचा समावेश

तालुक्यात शुक्रवारपर्यंत आखाडा बाळापूर प्राथमिक केंद्रांतर्गत ६९२, डोंगरकडा प्राथमिक आरोग्य केंद्र ५३५, मसोड ८३९, पोतरा ७५५, रामेश्वर तांडा ५६५, वाकोडी ६३० असे एकूण चार हजार सोळा मजूर व कामगार आपापल्या गावी परत आले आहेत. मुंबई, पुणे येथून परतलेल्या मजूर व कामगारांची सर्व माहिती संकलित करण्याचे काम आरोग्य विभागाने हाती घेतले असून शहरामध्येही १३८ जण परत आले असल्याची नोंद घेण्यात आली आहे. या नागरिकांना कुठल्याही आजारा संदर्भात शंका वाटल्यास त्यांच्यावर तातडीने प्राथमिक उपचार करण्याकरिता आरोग्य विभागाने रॅपिड ऍक्शन पथक तैनात केले आहे. या पथकाच्या माध्यमातून आजारी रुग्णाला गावपातळीवरच उपचाराची सुविधा देण्याची व्यवस्था करण्यात आली आहे.

येथे क्लिक करा- वाहतूक पोलिस कर्मचारी देणार ८१ दिवसांचे वेतन
 
गोरेगावात १५० रुग्णांची मोफत तपासणी 

गोरेगाव (ता. सेनगाव) : ग्रामीण भागातील खासगी दवाखाने बंद केल्याने रुग्णांच्या अडचणीत भर पडली आहे. परंतु, गोरेगाव येथील खासगी वैद्यकीय व्यवसायिक डॉ. दीपक पाटील गोरेगावकर यांनी विविध आजाराच्या दीडशे रुग्णांची मोफत आरोग्य तपासणी केली आहे. कोरोना आजार आटोक्यात येईपर्यंत मोफत आरोग्य सेवा सुरू राहील असे डॉ. दीपक पाटील यांनी सांगितले. 

जंतनाशक फवारणी 

या कार्याबद्दल डॉ. दिपक यांचे गावातुन कौतुक होत आहे. तसेच येथील डॉ. रवि पाटील गोरेगावकर व गजानन गिरे यांनी स्वखर्चातुन गावात जंतनाशक धुर फवारणी केली आहे. कै. निवृत्ती पाटील शिक्षण व वैद्यकीय सेवा प्रसारक सस्था गोरेगाव व शिव हॉस्पिटल यांच्या वतीने गावात निर्जंतुकीकरण करण्यात आले असून कोरोना विषाणूबद्दल जनजागृती करण्यात आली आहे. या वेळी गोरेगाव पोलिस ठाण्याचे सहायक पोलिस निरीक्षक श्री. श्रीमनवार, श्री. तुराफभाई, दिलीप कावरखे, जगन कावरखे, गजानन गिरे, गजानन कावरखे, मोईन पठाण, दौलत भाई, शिकंदर, रामा कांबळे, सीताराम कावरखे, शिवाजी पाटील, नंदू रवणे, राजू गायकवाड, सोपान रणबावले आदींची उपस्‍थिती होती. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

The striped 'Ramling Tiger', captured on a Forest Department trekking CCTV camera.
paradh police station
Farmers' organizations and sugarcane growers demanding an increase in sugarcane prices during a meeting held with the District Collector, the MLA, and representatives of sugar mills.
Director Sandeep Shingare’s hunger strike enters second consecutive day