डीवायएसपी सतीश देशमुखांनी घडविली माय लेकराची भेट

Dysp Satish Deshmukh
Dysp Satish Deshmukh
Updated on

वसमत (जि. हिंगोली) : तालुक्यातील खापरखेडा येथील ऋषीकेश भानुदास लोहटे हा विद्यार्थी नांदेड येथे शिक्षण घेतो.  कोरोना विषाणूचा प्रसार रोखण्यासाठी लॉकडाउन करण्यात आले आहे. नांदेड येथील खानावळी बंद असल्याने त्याच्या जेवनाचा प्रश्न निर्माण झाला होता. गावाकडे जावे तर वाहने नाहीत. कोंडीत सापडलेल्या ऋषीकेश लोहटे याच्या मदतीला वसमत येथील पोलिस उपाधीक्षक सतिश देशमुख धावून आले. त्यांनी विद्यार्थ्याशी संपर्क साधून खापरखेडा येथील त्याच्या घरी पोचती केले. 

वसमत तालुक्यातील खापरखेडा येथील ह.भ.प गणपतबुवा महाराज खापरखेडा यांचा नातू ऋषीकेश भानुदास लोहटे हा नांदेडला बारावीच्या शिक्षणासाठी किरायाने खोली करून राहतो. कोरोनाने सर्वत्र धुमाकूळ घातला आहे. कोरोनाचा प्रसार रोखण्यासाठी लॉकडाउन करण्यात आले आहे. त्यामुळे अत्यावश्यक वस्तूंची दुकाने वगळता सर्वच बाजारपेठ बंद ठेण्यात आली आहे. 

लॉकडाउनमुळे बाजारपेठ ठप्प

शाळा, महाविद्यालय, खासगी शिकवणी बंद आहेत. वाहनेही बंद ठेवण्यात आली आहेत. त्यामुळे किरायाच्या खोलीत राहणाऱ्या ऋषीकेश लोहटे याच्या जेवणाचा प्रश्न निर्माण झाला. वाहने बंद असल्याने गावाकडे जाता येत नव्हते. त्यामुळे आई-वडीलांसह नातेवाईक चिंतेत होते. कुठलीच सोय नसल्याने तो कोंडीत सापडला. ही माहिती मालेगाव येथील संदीप डाकुलगे यांच्या मार्फत वसमत येथील पोलिस उपाधीक्षक सतीश देशमुख यांना समजली. 

सर्वांच्या चेहऱ्यावर हास्य फुलले

त्यांनी ऋषीकेश लोहटे याचा मोबाइल क्रमांक घेत संपर्क साधला. त्याच्याशी बोलून त्याला धीर दिला. स्वतःच्या घरी नांदेडला बोलावून घेतले. त्यानंतर त्याला स्वतःच्या गाडीमध्ये नांदेडहून वसमत येथे पोचविण्याची सोय केली. श्री. देशमुख यांच्यामुळे ऋषीकेश व त्याच्या घरी आई-वडीलांची भेट झाली. ऋषीकेश घरी आल्याचे पाहून सर्वांच्या चेहऱ्यावर हास्य फुलले. पोलिस अधिकाऱ्यांमुळे आई-वडीलांची भेट झाल्याने सर्वत्र पोलिस अधिकारी सतिश देशमुख यांचे कौतून केले जात आहे. 

जीव धोक्यात घालून काम

सध्या कोरोनाच्या पार्श्वभूमीवर रात्रंदिवस पोलिस कर्मचारी, अधिकारी, आरोग्य, स्वच्छता विभागातील कर्मचारी जीव धोक्यात घालून काम करत आहेत. कर्तव्य पार पाडत आहेत. केवळ कर्तव्यच नाही तर आपल्यातील माणुसकीही जीवंत ठेवत गरजूंना मदत करत आहेत. अनेक ठिकाणी पोलिस अधिकारी, कर्मचारी गरजूंना अन्नदान करत आहेत. नागरिकांनीही लॉकडाउनच्या काळात स्वत:ची काळजी घेत कुटुंबीयांचीही काळजी घ्यावी, या काळात घरातच थांबावे, विनाकारण घराबाहेर पडू नये, असे आवाहन पोलिस प्रशासनातर्फे करण्यात येत आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com